慢煮屋 (已搬遷) 新店位置

今日约咗朋友去观塘食午餐，朋友介绍食呢一间，位置系观塘一座工业大厦里面11楼，哩度装修简单，座位唔系好多，座位坐得唔系太舒服，但系好整洁。我哋分别叫咗两个套餐， 我朋友叫咗个烧牛肉冷荞麦面，配温泉蛋。我叫咗个银雪鱼西京烧定食， 烧牛肉比较好啲，烧到刚刚好，肉质好淋。西京烧银鳕鱼就麻麻地， 感觉唔到系烧嘅， 好似系用汁煮熟佢嘅感觉。饮品比较少，大部分都系胶樽装嘅饮品，冇其他特色啲嘅饮品，奶茶咖啡都冇。收费午餐88蚊都唔平㗎。但可以再做好啲。