亞參雞飯 (已搬遷) 新店位置

店舖既入口有少少隐蔽，都要少少时间揾。去到可能系平日下午一点，但都唔使点等位，好快就安排咗二人座位。食物种类围绕着马来西亚菜式，譬如有槟城虾面，肉骨茶，班兰咖央多士等等但系我反而想试吓举声称可以做到99分嘅海南鸡饭加杯薏米水。上菜速度都几快，大概5分钟到就已经上台，鸡嘅份量都唔少，再配上一碗冬瓜清鸡汤，同埋鸡香饭。讲吓啲鸡先，讲真真系几香，同埋鸡皮好有油香感，鸡肉都好滑，同埋好有肉味。饭好够热，同埋油香，食落唔会觉得太油腻。一路食一路饮住个鸡汤，满口都系鸡油香味。最后杯薏米水都好足料，味道正正常常。埋单98，合理价钱，味道唔错，钟意食海南鸡嘅可以一试。