梁慶記

营业中

休息中

帮衬过澳门的街边大牌档梁庆记，所以带少少好奇心黎帮衬，虽然食落系两回事(澳门蛋巷𠮶间好食好多)，不过食物味道VS价钱都算不过不失啦。叫咗个2人套餐，入面有虾子面捞粗，𩠌就拣咗鸡扒(其他选择有猪颈肉、猪扒、澳门鱼蛋，金钱肚)，葡式盖仔猪扒饭，酸辣墨鱼饼，再加两杯餐饮，另外再叫咗个净牛筋腩。酸辣墨鱼饼最流，其实就系有D似炸鱼片头咁样，不过炸到over咗少少，而且唔酸唔辣。鸡扒虾子面捞粗都OK，都落咗几多虾子，不过就无乜香味，另外D面有枧水味。反而呢个葡式盖仔猪扒饭几好，其实就系炸猪扒下面有只煎蛋，然后下面就系白饭。拎开D猪扒就见到只蛋。牛筋腩都OK，牛筋好入味。