沙田凱悅酒店咖啡廳

营业中

休息中

✅沙田凯悦酒店自助午餐 @hyattshatin 环境空间感大，座位好舒适，服务相当周到，收碟速度劲快。冻海鲜有蟹🦀脚，翡翠螺，虾🦐，扇贝，扇贝同翡翠螺预先拆左肉，Refill 速度同样好快。刺身有鲷鱼，希灵鱼，蟹柳，八爪鱼，后期就有吞拿鱼同鱿鱼加入，不过全部麻麻地，就连三文鱼都唔够肥美。Parma Ham 肉质柔软，甘甜芳香，油润而不腻，配埋清甜密瓜🍈正好与咸香中和冷盘做得唔错，沙律🥗同芝士🧀有几款选择热食就不过不失，西式推介❤️肉酱千层面同pizza 。鳕鱼雪藏味好重，个汁遮唔住雪味，可以唔食。烧牛肉🥩食左两件，第一件够嫩，连边位一样唔需要点𡁻，赞👍🏻。可惜第二件就靭，边位仲要好鞋。中式就较为普通，点心提供粉丝猪肉饺，唔系大路口味。烧味就系一个极大改善位，叉烧劲鞋。甜品选择唔算太多，个人推介蓝莓🫐芝士蛋糕，法式千层酥同朱古力🍫挞。焗杏脯焦糖牛油蛋糕几特别，仲有即叫即整 pancake 配埋雪糕好正👍🏻。中式甜品有凉粉同芝麻糊，两款味道正常。饮品只有水果特饮同咖啡☕️，较为少选择。