鳳城酒家 (已結業)

因朋友未到齐，所以食住几味前菜先，沙姜鸡脚、炸粉果(炸得好脆，再浸一浸上汤，好，唔会太热气，料都好味)、苦瓜(苦瓜本身腌得好入味，伴与酸甜汁，食到唔停得口)。好味的招牌菜：炸子鸡和乳猪件都是一贯的脆皮、爽脆生肠，一如其名，非常爽脆，干净，绝无黏著脏物的感觉、鱼汤浸时菜的汤好甜，应该真系鱼汤黎0架。言过其实的招牌菜：锅贴虾炸得唔够干身太多油、桂鱼卷及大良炒鲜奶匀过了火，太熟亦唔多够味。甜品：西米莲蓉焗布甸，唔觉得有莲蓉，个皮又太厚，一般而已；反而送的甜品生磨核桃露，甜味适中，亦没有浆粉糊口的感觉。这里地方略嫌挤迫，但侍应的服务态度尚可；但总觉得上次去上环间凤城的菜比较有镬气，也比这间的菜好吃。