香格里拉米線專門店 (已結業)

呢間鋪我有次晏晝去食，叫左小辣，D餸係雞柳同墨丸，不過上檯時睇落個樣其實麻麻，一來可能食慣手撕雞0個種、覺得雞柳0係米線度出現有D怪；二來D墨丸個樣好似假咁…食落唔係好有彈性，覺得好似放左舊膠膠0地0既丸入口咁。而餸0既份量就比人感覺好就住就住，湯面好多辣油，雖然食D米線係就係麻呀，但整體配搭比人感覺真係差左D喎…(面頭真係好多辣油，搞到D米線上襯0黎都係咁…)食食0下，原本好想食麻辣米線0既我都已經收哂工，唔想再食落去…而本來預計有0既腐竹、芽菜、韮菜就只有一舊好似浸淋左0既炸腐竹同埋極度少量0既紫菜出現…無錯，(竟然)係紫菜…最得，其實都係杯凍杏霜…相比譚仔同埋四川麻辣兩間來講，呢間就真係唔太得。雖然佢D門面功夫做得OK，D 餐牌同埋D佈置都唔會太簡陋，但食客0既心理…最緊要係，成碗麻辣米線足唔足料、好唔好食先？相比之下，其他都唔算太緊要喇。