龍麵館 (已結業)

今日妈咪生日，知道佢钟意食中菜就系OpenRice search 左呢间龙面馆打左去book 枱 一去到就已经见到龙面馆大大只三个字，佢同平时啲酒楼门面好唔同，有小小中西混合嘅感觉，几得意wo主要都系黑色为主，门口有条金黄色嘅舞狮，好辉煌啊觉得见佢menu 上都有好多特色嘅菜式，我地叫左个片皮鸭，龙虾萝卜稣同埋叫左个桂花炒素翅 只填鸭十分大只，一黎到就已经觉得好香，佢切法系三吃，就系鸭肉、鸭皮及连皮鸭肉，佢仲有好多酱料同配菜，鸭皮就配黄糖食，鸭肉就配蒜蓉食，连皮鸭肉就配其他配料用momo皮包住食，真系好正，好脆，肉汁好鲜，好食!!仲有一个桂花炒素翅，佢系系隔离即场炒，睇落好足料，有肉粒，葱，芽菜，蟹肉等等，食落感觉好爽口又好干身，仲有咸蛋黄几惹味估唔到又几好食龙虾萝卜稣个样好靓，劲colorful，个皮系好松化，唔会话好油，好香口。萝卜配龙虾呢个配搭第一次食，都几特别，仍然有少少鲜味。后来我地追加左甜品, 除左雪糕之外, 我地仲点左一个千叶豆腐花.好靓啊, 一丝一丝既豆腐丝, 形态好似一朵花. 几软滑味道清甜, 唔会太过火. 妈咪今次都好满意，仲话下次叫埋婆婆黎食，不错哟❤