座銀

营业中

休息中

听讲座银嘅鸡白汤拉面非常出名，果日咁啱去到上环做嘢，就慕名一试鸡白汤拉面。下午4:30左右，里面都坐满客人。座位方面较为逼夹啲，坐得唔太舒服，同陌生人坐得太近有啲尴尬。不过唔影响我试拉面嘅心情😌店员非常亲切有礼，向我介绍菜单，见我杯茶饮晒，会主动帮我斟。👍🏻今次叫左鸡白汤拉面同炸鸡。炸鸡层炸衣较薄，香口而唔会太油腻，一咬啲肉汁爆晒出嚟，肉质亦非常嫩滑。值得推荐！🤤👍🏻👍🏻而鸡白汤拉面系上枱前有将汤底打发至起泡，不过个人认为汤底比想像中薄身，唔系极浓厚嘅鸡汤，但无可否认佢个鸡汤好鲜甜😌。面质方面都ok，软硬都适中。炸牛蒡香口，浸汤食颇有风味。而鸡肉同叉烧都唔错，猪叉烧软冧有肉香，鸡胸肉都算滑身。其他配料都颇多，成碗面有大量洋葱，有啲抢味。一个人埋单$205，价钱小贵🙊🙊。食完成碗面，我觉得佢虽然都好食，但未去到惊人嘅地步，$138加一嘅一碗鸡香汤拉面，我会觉得唔太抵，同类型嘅拉面有比佢平比佢好食嘅，试过一次就算了。