影片
更多
2015-10-08
1390 浏览
星期五晚系要同朋友食下野既, 同朋友食饭最重要就系满足到每个人既食量之余价格要合理既.系兆万徘徊左一阵揾到间日式刺身火锅放题 - 壹火锅 , 就试下佢, 7点半既时间上到去己经好多人等紧位…等左一阵终于可以入去, 一坐低侍应问我地会唔会加埋刺身放题, 价钱唔系相差好多..当然加埋xd 拣汤底同配料系会拣到选择困难症发作............侍应推荐左新出既海鲜锅 - 北海道松叶蟹海鲜锅! 睇相都好吸引, 就尝试新野!等上菜就当然去拎饮品同酱料, 饮品就当然唔会少得既韩国乐天饮品, 仲有基本汽水, 酒等等..拎酱料个兜几特别下, 有3格. 中间就系个碗, 另外2格你中意放咩酱咪咩酱啰话咁快刺身就到! 我地每样都有叫, 三文鱼当然唔少得要叫多ｄ! 上碟个盘好靓, 灯光会转不同的颜色. 摆放得都好有心思嫁..墨鱼片摆放到成朵花咁.. 每次刺身厚度都有返咁上下, 咬落去真系好正 甜虾既壳去得好干净, 师傅都好有心机呢!都未食完个刺身, 汤底就黎啦! 同 张 相 系 一 模 一 样!!! 松叶蟹脚好大条呀!!! 另外都跟左两把较剪, 方便食蟹脚! 汤底除左海鲜底下都系蔬菜, 黄芽白金菇等等,
拣汤底同配料系会拣到选择困难症发作............侍应推荐左新出既海鲜锅 - 北海道松叶蟹海鲜锅! 睇相都好吸引, 就尝试新野!
等上菜就当然去拎饮品同酱料, 饮品就当然唔会少得既韩国乐天饮品, 仲有基本汽水, 酒等等..拎酱料个兜几特别下, 有3格. 中间就系个碗, 另外2格你中意放咩酱咪咩酱啰
话咁快刺身就到! 我地每样都有叫, 三文鱼当然唔少得要叫多ｄ! 上碟个盘好靓, 灯光会转不同的颜色. 摆放得都好有心思嫁..墨鱼片摆放到成朵花咁.. 每次刺身厚度都有返咁上下, 咬落去真系好正 甜虾既壳去得好干净, 师傅都好有心机呢!
都未食完个刺身, 汤底就黎啦! 同 张 相 系 一 模 一 样!!! 松叶蟹脚好大条呀!!! 另外都跟左两把较剪, 方便食蟹脚! 汤底除左海鲜底下都系蔬菜, 黄芽白金菇等等, 到滚到咁上下再食既时候就已经吸晒海鲜既味道 等汤锅滚既同时好多配料都黎齐啦.. 见到碟牛咁靓好想食,但锅入面海鲜未熟可以点算?!唔使坐系度呆等, 侍应都有教我地拎起某部分既海鲜先, 之后想食先放返落去滚, 咁就唔会呆等啦!
锅入面既扇贝好鲜甜呀! 加少少豉油就冇得顶!
打边炉不能少的一定系肥牛!!! 呢度既肥牛颜色都好靓, 而且佢比起出面既牛肉放题边炉系厚身d, 都唔会好似出面咁好易散晒, 变到碎湿湿. 哈哈! 滚好之后再加麻酱!! 肥牛再黎多几碟唔该!!
另外我地都叫左好多野食, 例如响玲, 不同的丸类... 要推介几样野!
第一样就系火炙芝心丸! 首先因为我真系好中意食芝士!! 佢入面包住浓浓既芝士, 咬落去好香 我依然对佢念念不忘!!
第二样就系一碟白色既食品, 花胶! 厚身, 食既时候都feel到浆住个口.. 我总共食左2大碟
第三样系蟹子墨鱼滑, 好香墨鱼味. 同埋自己片落锅呢个过程好好玩 虽然片到太细粒之后差d揾唔返..
食到8成饱一定要有甜品做结尾, 雪糕同糯米糍!
5款雪糕任你拣, 糯米糍暂时食到蜜瓜同朱古力
题外话/补充资料：
4个人食叫左好多转野食, 单单刺身就叫左三转..虽然好忙但侍应们都冇黑面, 态度都好好!
(以上食记乃用户个人意见 , 并不代表OpenRice之观点。)
张贴
