影片
更多
2021-11-10
2259 浏览
🦀又到咗食大闸蟹嘅季节啦！好多餐厅都陆续出咗好多唔同嘅大闸蟹套餐，今次嚟到龙苑中菜厅试咗佢哋嘅「蟹逅在龙苑」大闸蟹套餐，大闸蟹来自日本北海道，套餐做紧优惠价$498一位，有6道菜式，食完觉得性价比都几高👍🏻。由于个人体质偏寒，食亲大闸蟹必定会见晕，所以今次先叫咗杯姜茶暖暖胃，如果体质偏寒嘅朋友不妨都可以先叫杯姜茶暖暖胃打定底。我今餐前后连甜品饮咗三杯姜茶，所以食完状态仍然系非常ok😝！🔹生拆蟹粉小笼包：有一粒小蟹粉系上面，皮算几薄同都几多汁，不过就无咩蟹味系入面，会觉得系食紧普通做得唔错嘅小笼包。🔹蟹粉蟹肉高汤烩燕窝：将大闸蟹拆肉成一丝丝配埋热腾腾嘅燕窝羹，蟹肉唔小之余又啖啖燕窝，好浓稠，相当真材实料，令我几惊喜👀！🔹紫苏蒸大闸蟹：清蒸大闸蟹唔算好大只，但蟹肉十分鲜甜。因为食大闸蟹两只手食都几捩咁弃，所以打开个蟹盖时无手再留影，不过一打开蟹盖时已见到金黄色嘅蟹膏，几浓郁同都算够膏。当晚一路食蟹时，同行友人分享咗一啲食蟹嘅小知识，话食蟹时要注意有几个地方因为太寒凉，食完有机会肚痛，所以尽量剪开唔好食，呢度都分享俾大家😊：一)蟹盖里有蟹黄沾住嘅位置有个三角形嘅蟹胃。二)旁边两排好似扇仔嘅蟹
由于个人体质偏寒，食亲大闸蟹必定会见晕，所以今次先叫咗杯姜茶暖暖胃，如果体质偏寒嘅朋友不妨都可以先叫杯姜茶暖暖胃打定底。我今餐前后连甜品饮咗三杯姜茶，所以食完状态仍然系非常ok😝！
🔹生拆蟹粉小笼包：
有一粒小蟹粉系上面，皮算几薄同都几多汁，不过就无咩蟹味系入面，会觉得系食紧普通做得唔错嘅小笼包。
生拆蟹粉小笼包
20 浏览
0 赞好
0 留言
🔹蟹粉蟹肉高汤烩燕窝：
将大闸蟹拆肉成一丝丝配埋热腾腾嘅燕窝羹，蟹肉唔小之余又啖啖燕窝，好浓稠，相当真材实料，令我几惊喜👀！
蟹粉蟹肉高汤烩燕窝
13 浏览
0 赞好
0 留言
🔹紫苏蒸大闸蟹：
清蒸大闸蟹唔算好大只，但蟹肉十分鲜甜。因为食大闸蟹两只手食都几捩咁弃，所以打开个蟹盖时无手再留影，不过一打开蟹盖时已见到金黄色嘅蟹膏，几浓郁同都算够膏。
紫苏蒸大闸蟹
24 浏览
0 赞好
0 留言
当晚一路食蟹时，同行友人分享咗一啲食蟹嘅小知识，话食蟹时要注意有几个地方因为太寒凉，食完有机会肚痛，所以尽量剪开唔好食，呢度都分享俾大家😊：
一)蟹盖里有蟹黄沾住嘅位置有个三角形嘅蟹胃。
二)旁边两排好似扇仔嘅蟹腮。
三)蟹中间块黑膜衣下面有蟹腮，蟹腮中间白色六角形嘅蟹心。
四)蟹肠，即蟹肚下面嘅三角壳里面有一条连接蟹身嘅黑线。
🔹吉列越南虎虾球配蟹黄酱：
脆浆好薄，色泽系金黄色，炸得啱啱好，好脆口。里面嘅虾球好弹牙好滑，配埋浓郁嘅蟹黄酱食，非常惹味。
吉列越南虎虾球配蟹黄酱
23 浏览
0 赞好
0 留言
🔹鲜准山胡椒高汤浸班球：
呢味𩠌可以清一清味蕾，里面有准山，芹菜，云耳同斑块，斑块滑溜有鱼味，准山好爽口，但成个胡椒味唔算话好重。
鲜准山胡椒高汤浸班球
15 浏览
0 赞好
0 留言
🔹蟹粉海皇窝巴：
蟹粉味重，同上面嘅蟹黄酱非常相似，但里面亦加多咗啲虾同蟹肉等，窝巴煎得好脆口，加埋呢个蟹粉点汁，好难唔好食，食完哂窝巴都仲有好多蟹粉剩低，所以都几大碗。
蟹粉海皇窝巴
31 浏览
0 赞好
0 留言
🔹黑糖姜茶汤圆：
临尾仲有个姜茶驱寒同中和返大闸蟹嘅寒凉，两粒芝麻汤丸细细粒，啱哂已经食饱哂唔驶太有负担，口感亦够Q弹，姜茶姜味好重，偏少辣，个人非常喜欢。
黑糖姜茶汤圆
12 浏览
0 赞好
0 留言
虽然我比较少食大闸蟹套餐，无法同好多坊间比较，但整体嚟讲佢哋嘅蟹制菜式都做得相当唔错，而且又好足料，大满足呢！
除咗大闸蟹之外，我哋亦都叫咗几款其他菜式，不得不提呢度嘅「西班牙黑豚肉叉烧」真系相当唔错。
西班牙黑豚肉叉烧
18 浏览
0 赞好
0 留言
佢哋嘅叉烧系以秘制煮法去烹调西班牙黑豚肉，猪肉边缘有少少烧焦，肉质柔软嫩滑，够软绵绵之余亦淋而不烂，唔会过肥或过油。入口有麦芽糖香甜味，不过对我嚟讲酱汁有小小偏甜，如果加碗饭可能更完美。不过切得偏薄，切得再大旧厚啲就更正，因为个人觉得只讲味道唔讲每旧嘅大小，同天龙轩嘅叉烧有得挥。
张贴
