稻成 (新城市廣場一期)

营业中

休息中

今日有朋自远方来，带佢食一间我觉得好食嘅中菜。因为系星期六日关系，用餐时间只有90分钟。我地4个人，就叫左个4人套餐，$1488，未计加一。套餐不包野饮，另加两杯冻豆浆，好似大概$30一杯，少贵，虽然大杯。前菜包海蜇头青瓜，比目鱼两都好好食，比目鱼炸得外脆内软，虽然不够热，但整体几好食。海蜇头青瓜个醋汁好惹味好开胃，唔错！酸菜鱼另加紫薯粉 好似大概$25呢个好好食，佢个鱼好滑，冇骨，好多酸菜，好鬼正花胶云吞鸡一流！好多花胶，起码有8旧，汤底鲜甜，鸡腿嫩滑，唔错！和牛炒饭好食，好多和牛粒粒，同酸菜鱼食，一流片皮鸭半只片皮鸭好食，但个薄饼就一般，因为佢好快就冻左，唔似其他中菜厅，会keep住热住个薄饼皮另外仲有奶油津白，同香蕉豆沙锅饼，都非常不错！尤其香蕉豆沙锅饼系必食！不过就细份左啲。咁样埋单千七，四个人黎讲都算贵，不过就好食嘅。