鐵牛台灣牛肉麵 (金巴利道) (已結業)

今日肥妹仔夜晚去咗尖沙咀金巴利道嘅一间台湾餐厅食台湾菜 ，喺门口见到个餐牌上面选择都几多，而且价钱又相宜，就入咗去试。红烧牛筋腩面  $63佢嘅牛筋腩分别各有两旧，牛筋煮到非常软淋，腩肉亦都唔柴 好入味。面身系属于幼身𠮶一种，汤底香浓，不错。卤味拼盘  $48呢一个卤味拼盘分别有卤水蛋，卤猪大肠同朱耳。总括嚟讲味道亦都算唔错，猪耳爽口，大肠亦都冇异味，卤蛋就普通。好滋味芝士盐酥鸡  $45相信盐酥鸡系间间台湾餐厅都有得食嘅菜式，但系呢一间就有加咗芝士酱喺上面，咁就系另外一种层次啦。佢嘅盐酥鸡炸得非常香脆，鸡肉都算嫩滑，炸粉唔会好厚，而佢嘅芝士酱有香浓嘅芝士味，钟意芝士有一定要试。芝士花枝丸  $39同芝士盐酥鸡一样，上面加咗芝士酱。花之丸炸到非常香脆，爽口弹牙，加埋芝士酱食好好食。鱼酥皮蛋豆腐  $36呢一个皮蛋豆腐不错，佢嘅豆腐上面放咗半块皮蛋再加上柴鱼片，同埋佢嘅酱汁。虽然系冻食，但系食落去口感非常丰富，正。小碗卤肉饭  $32唔好睇佢个样好普通，其实都几好食㗎!佢嘅卤肉肥瘦刚刚好，卤汁够捞成碗饭食。凉拌小黄瓜  $29呢一个凉拌小黄瓜又系肥妹仔其中一样觉得最好食嘅嘢，因为佢嘅小黄