帕維亞意大利餐廳

营业中

休息中

之前朋友介绍九龙城有间意大利餐厅d嘢食几好味， 于是今日同frds一齐去试下。感觉的确几唔错，值得俾like。环境：餐厅以红色为主格调，感觉几舒服。内里的装饰画同灯光都俾人几warm嘅感觉。周围几干净，可以放心食嘢。服务：服务都几周到，waiter几nice， 上菜速度OK。食物：出去食嘢梗系希望可以吃好西。虽然我对意大利菜冇咩研究，唔知道系唔系正宗，但最紧要好味。我哋total都点咗7,8 个菜式，有意大利饭，薄饼，意粉，黑毛猪火腿沙律， 烧春鸡，心太软配雪糕，味道到几唔错。特别推荐烧西班牙红毛猪骨，烧得啱啱好，好入味，几细嫩。黑毛猪火腿沙律都几特别，据说系用风干48个月嘅西班牙黑毛猪火腿做沙律，味道好特别。最后来个朱古力心太软配纽西兰雪糕，好满足。总体来讲，味道唔错， 价钱合理，无论一家大小来，同frds来食嘢吹水， 呢度都系唔错嘅选择。