影片
更多
2009-08-09
20 浏览
星期三，阿姨相约我地去食日式放题。一行九人，安排坐喺一入门口左边的长形枱。限时两个钟，一坐低就即刻睇纸仔，睇吓有咩食。食物种类都多，有串烧、炉端烧、寿司、手卷、刺身、锅物、天妇罗等。我地咩都有叫d黎试吓，好味先再叫多d。刺身有三文鱼、吞拿鱼、𫠒红、象拔蚌条、荣螺同赤贝。仲每人附送一只甜虾。三文鱼新鲜，十分肥美。有一次仲系腩位，鱼油味更出，好味！象拔蚌条都好味，好爽口也带点鲜味。荣螺虽爽口，但无鲜味。赤贝唔太新鲜，质地淋，唔爽口亦无鲜味！附送嘅甜虾虽唔大只，但都好新鲜美味！手卷/ 寿司葱吞拿鱼腩手卷：手卷麻麻地。紫菜好快就淋。葱同吞拿鱼各占一边；吞拿鱼无味，系鲜味同鱼味都无！甜虾寿司：呢个ok，甜虾虽然细只，但都新鲜。饭细细旧，食多几旧寿司都唔会太饱。鱼奶汤阿妈同阿姨都超钟意饮！鱼汤火候十足，味道浓；入口滑流！除咗汤，每碗仲有绍菜。辣菜豚肉锅好味！够热！汤底带点辣，惹味。豚肉薄切，无猪膻味，几好又唔会太肥。配料还有好滑嘅豆腐、绍菜同鲜冬菇。石狩锅冷面：一小碗，无咩特别，连个冷面汁都系超普通。牛肉乌冬：牛肉系一般肥牛货色。乌冬系扁身的，应是干乌冬煮熟的。味道不会带酸。汤底无咩特别，咸咸地带
一行九人，安排坐喺一入门口左边的长形枱。
限时两个钟，一坐低就即刻睇纸仔，睇吓有咩食。
食物种类都多，有串烧、炉端烧、寿司、手卷、刺身、锅物、天妇罗等。
我地咩都有叫d黎试吓，好味先再叫多d。
刺身有三文鱼、吞拿鱼、𫠒红、象拔蚌条、荣螺同赤贝。
仲每人附送一只甜虾。
三文鱼新鲜，十分肥美。有一次仲系腩位，鱼油味更出，好味！
象拔蚌条都好味，好爽口也带点鲜味。
荣螺虽爽口，但无鲜味。
赤贝唔太新鲜，质地淋，唔爽口亦无鲜味！
附送嘅甜虾虽唔大只，但都好新鲜美味！
手卷/ 寿司
葱吞拿鱼腩手卷：
手卷麻麻地。紫菜好快就淋。
葱同吞拿鱼各占一边；吞拿鱼无味，系鲜味同鱼味都无！
甜虾寿司：
呢个ok，甜虾虽然细只，但都新鲜。
饭细细旧，食多几旧寿司都唔会太饱。
鱼奶汤
阿妈同阿姨都超钟意饮！
鱼汤火候十足，味道浓；入口滑流！
除咗汤，每碗仲有绍菜。
辣菜豚肉锅
好味！够热！
汤底带点辣，惹味。
豚肉薄切，无猪膻味，几好又唔会太肥。
配料还有好滑嘅豆腐、绍菜同鲜冬菇。
石狩锅
冷面：一小碗，无咩特别，连个冷面汁都系超普通。
牛肉乌冬：牛肉系一般肥牛货色。
乌冬系扁身的，应是干乌冬煮熟的。味道不会带酸。
汤底无咩特别，咸咸地带点甜味。
泡菜：唔辣嘅，反而甜甜地！腌得未够时候。
蒸蛋：好滑，有好多蟹柳。
炉端烧/ 串烧
烧三文鱼头
牛脷
切片，厚度适中。
口感软稔，唔会鞋又唔会韧；
味道带甜，视乎个人口味，有d人可能会觉得甜咗少少。
鸡翼
无咩味，好似无腌过咁。
烧得外皮够干，而入面d肉仲有d juicy 嘅！
秋刀鱼：煎得够干身；鱼新鲜无腥味。
鲭鱼
要一赞呀！好阔佬，同其他放题店不同，唔会只俾一旧，而系完条上！
鱼外层烧得够干身，鱼本身好新鲜，肉好嫩滑。
鱼油不会太多，真系好好味！
牛柳串
两粒牛柳粒夹住一粒车厘茄。
牛柳粒有牛味，烧完仲juicy；
口感ok的，唔鞋，带点嚼头。
牛仔骨
大家都赞好。
牛仔骨唔会太肥，脂肪均匀。肉质几嫩，无筋。
酱汁惹味，不会太杰；带点甜，腌得入味。
鸡软骨：炸得好脆，不过带点干身，调味一般，味道偏淡。
带子：用上急冻带子，细细粒，无鲜味，幸好唔会韧又唔会有雪味；酱汁味道也是带甜。
鱿鱼须：切成一段段；鱿鱼须不会太粗，唔会韧㖞！
吉列蚝
蚝虽然唔系大只，但好新鲜，蚝味重...
炸后仍非常juicy，一咬就爆汁！
吉列炸浆不会太厚；炸得香脆！
天妇罗：我无食，不过佢地话炸浆较厚
雪糕
抹茶正正正！
绿茶味与奶味均称，不会太苦或太奶。
又不会好甜；口感很滑，不会食到碎冰。
漏单情况只出现咗一次，服务员会帮我地check check, 如果真系漏咗就即刻帮我地再划过。
服务不错，有些服务员有礼貌，但也有一个面黑。
环境算唔错，坐得唔会太迫。
最好就系当晚d食客唔太嘈，倾偈好好多。
张贴
