焱川

营业中

休息中

今日下午黎到湾仔食日本菜，拣左黎焱川食。我地两个人大约12点半去到，啱啱好唔洗排队，直接有位，迟我少少到嘅人就要排队喇侍应安排我地坐左系bar枱，对住串烧同刺身嘅厨房。由于厨师不断喺我地面前烧烤，所以我地食完饭身上面都有阵烧烤味。我order左吉列猪扒滑蛋饭定食。滑蛋猪扒都几高质，猪扒好入味，而且好软熟。个汁亦煮得好好，甜甜地，唔会太咸。亦有好多洋葱、红萝卜同紫菜做配菜，好丰富。成个定食我最欣赏嘅系下面呢碟前菜，有萝卜同牛肉，个汁酸酸地、甜甜地、亦有少少辣味，味道好丰富，我食完仲好想再食多一碟呀！面豉汤就正正常常，不过不失。午餐仲有甜品添，就系维记嘅芝麻雪米糍啦，都唔错架！