金御海鮮酒家 (彌敦道)

营业中

休息中

本人唔系成日饮早茶，最常帮衬就系都系同样系旺角区既点点心。同果间比，呢间算系比较传统果种饮茶。早市六折，星期日加一蚊，另外加12%服务费。一入黎，见到d餐具都几新净，本人觉得加分。点左个$16既北菇蒸鸡饭，份量唔多，细细碗，岩岩好可以留返d quota食其他点心。跟住黎既系煎芋头糕，虽然我觉得好干，我女朋友点辣酱食话好正，劲多芋头。第三样系我每次饮茶都必叫既奶皇包。呢个奶皇包有惊喜!本身expect佢只系声称流沙，点知入面真系劲流沙，奶皇涵足，入面仲有旦皇粒，好癫！最后既系灌汤饺同烧卖，两样点心都唔差，本身对灌汤饺无特别钟情，之前系第二间食过好难食，有泳池氯水味，至少呢到无，我已经收货。上面仲有少少鱼翅，唔食鱼翅既朋友就要注意啦。总括黎讲唔差，上菜慢左d，但食物够热，而且素质同价钱相称，岩晒咁岩口痕想饮茶既食客。