JUST'er Bar & Restaurant

营业中

休息中

之前经过山林道呢间餐厅都见有人等位，今次预先Book 定位就唔使等。呢间小店嘅座位唔多，最抢眼一定系全院满座嘅招牌。门西淋牛猪 VS 虾兵蟹将 $345（8/10）我好钟意门西淋呢个名🤣🤣呢个系二人份量，有焗多汁猪仔骨，多汁淫虾，全麻皆鸡三只，炸软壳蟹，特浓茄汁意粉。焗多汁猪仔骨个酱汁都几浓，好腍又好入味又多汁，几好食。多汁淫虾其实系龙虾🦞龙虾鲜甜啖啖肉仲有好多膏。全民皆鸡系炸鸡翼，鸡翼炸得好脆，鸡肉嫩滑多汁。炸软壳蟹正正常常，茄汁烩意粉茄汁味都几重，意粉就软硬度适中，几好。垃圾八爪鱼 $48（8.3/10）八爪鱼炸到好脆，咬落口有几弹牙，配埋个沙律酱汁唔错，呢个一啲都唔垃圾㗎。真 士多啤梨奶昔 $51（8.2/10）士多啤梨真系饮到粒粒士多啤梨，加埋奶昔整体味道唔会好酸，都几好饮㗎。海盐樱花奶昔 $47（8/10）花香味好浓，好香花香味，又唔会好甜，呢杯都好饮。总结：食物质素都唔错，建议大家嚟食最好先订位。