金枕頭泰國餐廳

营业中

休息中

今日难得可以约翻一班中学同学出黎，近近地就去呢间金枕头试下泰国菜。其实我自己平时因为少食辣，所以都好少去食泰国野，今日终于有机会试，仲要约埋成八个人一齐食，可以食餐劲既！首先，就一定要讲呢盘虎虾刺身！真系几鲜几正，仲要我胆粗粗试左佢中间盘辣汁，真系辣到'哇'一声，但系中意食辣既应该觉得好正！然后，就讲下佢既炸物！我地叫左炸虾饼同炸虾春卷，真系好正，因为我自己就最中意食炸，够香够脆，食唔停！另外，我地仲叫左南瓜咖喱海鲜，都唔错既，不过佢只咖喱反而唔太辣，有啲似葡汁既感觉，连饭一齐食都ok既。仲有菠萝炒饭，真系估唔到佢真系会用个菠萝装住，都几香既，一路食都食到啲海鲜，好似有鱿鱼，都唔错。最后，仲有烧鸡翼同串烧，都系好香好好食烧鸡翼真系无得输，不过就嫌串烧有少少干。整体黎讲，我自己就冇食开泰国野，不过都觉得几好食几满意。