影片
更多
2023-12-29
220 浏览
今次已经系第二次食，同上次情况一样，晚市好早就已经排哂长龙，但两人嘅话会比较快入到（大概十二分钟）。乌冬选择方式主要系先拣汤，再拣配料。试过味噌同咖哩汤都几唔错，个人黎讲口味唔会太重唔会太淡，岩岩好，佢始终系沙锅上，味道一定系偏浓。乌冬上菜时间的确系要耐少少，不过佢店面都有贴住需时最少20分钟，实际上菜时间都系差唔多。员工上完菜之后都会问客人个乌冬想淋啲定爽啲，分别在于佢会唔会即时帮你收走个锅盖。个汤够浓够香，乌冬弹牙口感唔错，啲𩠌都合格，主角都系汤同乌冬。而啲葱同腐皮藉住啲汤，都变得好好食。惟独是整碗乌冬份量唔算好多，可能叫埋饮品就岩岩好。整体黎讲，系一间值得一试嘅汤乌冬店，味道系有保证，但以佢平均一百蚊一碗嘅价钱黎讲，就算唔上系性价比嘅选择。主要扣分位系个收银员工，略肥戴眼镜嘅姐姐，收钱嘅时候一句招呼都冇，过程完全冇对话，只有板著脸，收完钱就走左去，一句简单嘅多谢都冇，差啲以为自己去左茶记食饭。
乌冬选择方式主要系先拣汤，再拣配料。
试过味噌同咖哩汤都几唔错，个人黎讲口味唔会太重唔会太淡，岩岩好，佢始终系沙锅上，味道一定系偏浓。
乌冬上菜时间的确系要耐少少，不过佢店面都有贴住需时最少20分钟，实际上菜时间都系差唔多。
员工上完菜之后都会问客人个乌冬想淋啲定爽啲，分别在于佢会唔会即时帮你收走个锅盖。
个汤够浓够香，乌冬弹牙口感唔错，啲𩠌都合格，主角都系汤同乌冬。而啲葱同腐皮藉住啲汤，都变得好好食。惟独是整碗乌冬份量唔算好多，可能叫埋饮品就岩岩好。
整体黎讲，系一间值得一试嘅汤乌冬店，味道系有保证，但以佢平均一百蚊一碗嘅价钱黎讲，就算唔上系性价比嘅选择。
主要扣分位系个收银员工，略肥戴眼镜嘅姐姐，收钱嘅时候一句招呼都冇，过程完全冇对话，只有板著脸，收完钱就走左去，一句简单嘅多谢都冇，差啲以为自己去左茶记食饭。
张贴
