Aha Coffee & Cate

营业中

休息中

喺D2 Place附近开咗间新Cafe，有惊喜 👍Lunch time荔枝角附近好多餐厅都要排队等位先入到去食嘢，见到依间Cafe唔使等位去到唔使等位，就入去试吓新嘢。等紧嘢食嚟嘅时候客人可以睇到厨师整嘢食嘅情况。嗌咗三个set，一份甜品。三份阔条面睇落唔系好大份，但食完好饱好满足。牛面颊阔条面好有牛味，入口好软身好林食到停唔到口。煎意瓜蕃茄罗勒配阔条面系素食，好啱素食者试吓，味道好浓郁。我系第一次试薯团，口感好特别，好烟韧。职员话俾我听系店主自家制，推介大家试下！甜品令我最有惊喜，焦糖海盐雪糕配窝夫，香蕉上嘅焦糖，夹埋一齐好好味 😋环境舒适宁静，比起喺好多人嘅D2 Place𠮶边食嘢舒适好多👍🏻 想静静地唔驶迫食lunch呢间真系好适合。