銀杏時光

营业中

休息中

今日同朋友一聚，选择左呢间近近哋地铁站嘅西餐厅。入面嘅装横唔错，有情调又有一点复古味。感觉几chill。一人叫咗一个set lunch。除咗一份餐之余，仲包咗个沙律吧同特饮。价格同一般西餐厅差唔多，不过就会有加一收费。先讲沙律吧，有唔同酱汁可选，千岛酱、黑醋、槛榄油。啲粟米好甜，但系啲椰菜就有啲啲黑。特饮有洛神花、香茅。仲有一个汤嘅。但系我地太晚去，未试得切，staff就好快手收拾晒。如果大家去，记得早啲去，14:30后就无咗个沙律吧。感觉有啲唔抵。讲下个主菜啦，我要左个西冷牛扒。都几厚，大约有一节手指咁厚。肉质厚实，唔知系咪我问题，个烧汁有啲苦味...个薯蓉好出色，好甘甜。总结一下，个环境唔错，地址嚟讲唔近商场感觉好宁静。如果想放假chill下可以拣呢间。不过就唔好叫扒食啦，叫意粉𠮶啲应该ok。今次就支持下社企，始终经营都唔容易。下次都会再嚟就一系早啲，一系晚啲食个tea。叫啲无咁易伏嘅嘢啦。就系咁！完。