農家菜館 (已結業)

今日一班朋友嚟到屯门，由地胆带路游玩蓝地大街。这里最出名嘅餐厅应数季季红的糯米酿乳猪，但之前已经食过。今日试下新意思，就系喺佢对面嘅『农家菜馆』。以肉骨茶同五色饭做招睐，楼高三层。今次坐二楼，冷气好够。肉骨茶落咗好多药材，色泽好深，几啖落肚已经好暖胃。肉嘅份量唔多，以药材为主，非常滋润。午市套餐都有其他嘢拣，例如利个咸蛋蒸肉饼，肥瘦适中，好下饭。加钱转嘅五色饭，落咗红米，糙米，粟米同南瓜同煮，既好味又健康。