農家菜館 (已結業)

第一次去常試地方不大有小小冷清感啲菜夠熱夠份量啲嘢吾喊為一彈叫咗個雪菜玉線窩湯米首先不是用窩好似譚仔的碗而價錢都價138元份量小左到最後免費糖水暖曖哋點解正常糖水應該係夠熱問佐待應話今朝到現在吾怪得點解吾煲吓去好簡單望日後有改善

家人告訴我轉手，就即管去試試。一試之後，農家菜已經成為不煮飯周末首選先小人後君子，價錢方面拍得住附近酒樓的九折，絕不是一般小餐廳的價錢味道、質素、份量和*服務*方面相比過之而無不及以下是幾個常叫菜式以作參考貴妃雞半隻$88雞肉夠多，醃製入味而且偏大份，每次必點。食唔曬拎返屋企第二日帶飯都唔會硬班班雜菜煲其他單炒菜份量非常足夠，冇味精，食完唔會鹹，尤其是雜菜煲嘅配料大份，魷魚厚而不「鞋口」咕嚕肉完全令我諗起金玉滿堂嘅咕嚕肉，炸粉少，啖啖肉仲要係有咬勁的部位，不是肥肉。菠蘿等配菜新鮮，小朋友吃得開胃。酸菜魚大份我見好多人坊間已經有很多種口味的酸菜魚，這間味精最少，份量也大甜品班蘭蛋糕、紅豆糖水乃為一絕。每次坐低都見到好多人嗌嘅芒果布丁，有機會真的要試試

估唔到喺香港嘅村屋範圍入面會有一個我咁喜歡食嘅農家菜。風土人情就唔使講，真材實料，嗌一個午餐嘅小菜會配一個白飯、一個例湯，個例湯好足料㗎，同我屋企嘅嫲嫲煲嘅湯有得輝。今次就少少哋食咗個京都骨同埋豉汁蒸排骨，仲有一個係肉骨茶，味道唔錯，但係比起真正國內嘅農家菜就有少少分別。始終喺香港嘅地方總會有香港人嘅味道地方係藍地站，就係藍地輕鐵行過去2分鐘到，我估平時都好多係附近返工既人士去食，所以推介下比大家啦

一家人因為疫情好耐冇試過坐低一齊食飯，今日嚟咗呢間農家菜館，勝在有張大枱，又夠近，鄰近輕鐵站，交通好方便，住在九龍和元朗的家人都可以搭車嚟到食飯！特別推介佢嘅炸黃花魚，脆卜卜，連魚骨都食得，真係好好味！親戚話佢嘅蒜香骨係最好食，可惜當日已經賣晒，希望下次可以食到啦😊😊😊

去到坐低，叫左蒸魚和小炒，等半小時都沒上菜，見隔離個兩台都上灑餸，咪追單，個服務員話就到，後來問先話漏左單喔得個3枱都漏單，真系火🔥服務又好差，講句唔好意思就走人完全當你無到的態度。。。唔會再幫襯囖

農家菜館位於藍地輕鐵站附近，今日經過門口，見有午市客飯套餐，而且價錢實惠，就入去一試。午市客飯送的菜乾白菜豬骨湯，好足料，好像飲緊呀媽煲的湯一樣，清清甜甜，不似出面的味精湯。我們點了醬燒茄子，茄子不太油，加上醬汁和肉碎，飯都可以吃多碗。糖醋魚塊大大塊， 酸酸甜甜 ，而且做到外脆內軟，真的很難得。白飯是分開上的，加$2可轉五色飯。紅豆沙是送的， 本來對送的糖水都不會抱太大期望 ，但紅豆煮得綿綿的， 甜度適中， 比我在甜品店吃的還好吃。老火湯和糖水送完即止。好滿足的一餐午飯。

一間標榜不用味精既小菜館，住藍地時成日經過都未試過入去，今日見到午餐才$48就入去試下，好有驚喜，叫左嗰鹹魚蒸肉餅午市套餐，肉餅同菜都係即蒸即炒，味道係小菜級別水準，白飯另上，仲有老火湯同糖水送，$48真係超抵，肉餅味道調得剛好，鹹魚好香，老火湯非常足料湯味道濃，糖水係雪耳煲木瓜，甜度適中，雖然無跟飲品，但一碗精甜既糖水仲好過飲糖漿飲品。平時垃圾茶餐廳既碟頭飯都隨時要50蚊了，係依度食真係超班仲要更平，以後放假時午餐有著落了

今日一班朋友嚟到屯門，由地膽帶路遊玩藍地大街。這裏最出名嘅餐廳應數季季紅的糯米釀乳豬，但之前已經食過。今日試下新意思，就係喺佢對面嘅『農家菜館』。以肉骨茶同五色飯做招睞，樓高三層。今次坐二樓，冷氣好夠。肉骨茶落咗好多藥材，色澤好深，幾啖落肚已經好暖胃。肉嘅份量唔多，以藥材為主，非常滋潤。午市套餐都有其他嘢揀，例如利個咸蛋蒸肉餅，肥瘦適中，好下飯。加錢轉嘅五色飯，落咗紅米，糙米，粟米同南瓜同煮，既好味又健康。

星期六同屋企人去左藍地試食農家小菜館一行10人叫左個$1088十人餐食十人餐指示小菜選4款。其他小菜選4款。再加左個上海粗炒9個菜Lee家菜館幾四正.係食小菜嘅餐廳黎講算ok企理.鹵水併盤(大)嘩好多料wo.有鹵水豆腐/紅腸/豬耳/雞緊/豬腸/豬耳/鴨舌/鵝翼(幾豐富野味)回窩肉(正!好野味)生炒骨(正常)什菜煲(清)松子黃魚(炸粉比例啱啱好.但要小心細骨.多什果粒.酸酸地好開胃.喜歡食魚的人會喜歡的）粟米魚塊叫比小朋友食嘅魚香茄子(沒有魚香味的魚香茄子.但又幾野味wo)農家鼓油雞(農家菜必食la.夠入味.雞夠嫩滑好食)亦都係我今日覺得最正的一道菜）上海粗炒（正常）總結：一家人搵小菜簡單食一餐飯都係幾唔錯既選擇。

今日大老板放假，小老板邀約食午餐。見天氣咁好（之前落大雨），又冇咩想食，咁就跟小老板一行三人出去食個晏。因為同事幫手訂咗位，所以去到唔駛等位（其實都係得兩﹑三枱客）。見有海南雞+黃薑飯，心諗"農家菜"又"海南雞"，應該唔會點有伏，咁就點海南雞黃薑飯，送中式湯同糖水。小老板同另一位同事就各自叫咗小炒。本身第一次嚟食，見到隔離枱個蒸魚都唔錯，海南雞呢啲普通野應該都唔太有問題。叫完之後大家諗住Share食，問伙計拎咗三對公筷，伙計都即刻拎嚟（試過去食肆問拎公筷會被黑面）。中式湯都OK，青紅蘿白瘦肉湯，不過不失。黃薑飯隨後到。可能其他地方會用海南雞啲油整落啲飯到，呢到可能主打"農家"，健康啲，所以冇落，都可以接受嘅。到主菜上場，我一拎隻碟感覺到隻碟好熱，已經心知不妙。再睇睇碟雞，我不禁同小老板講啲雞好似"湯料"（即係美名咗嘅"湯渣"）。我即刻問拎碟"海南"雞嚟果位侍應呢碟係咩，侍應神回應反問番我你叫咗啲咩？同事口快快咁答咗佢叫咗海南雞，侍應好隨口咁話呢碟咪海南雞囉。我都忍唔住回咗句我覺得佢唔似海南雞先問你，驚你俾錯白切雞我。（呢到有海南雞，白切雞同豉油雞）食落口更加似"湯料"，因為︰1. 雞肉

呢間農家菜館 都有少少特別過人之處 標榜無味精比較健康 我個人覺得佢都算係少鹽少油， 因為有陣時啲餸會有比較淡味嘅感覺😂😂 好鐘意食佢個肉骨茶同肴肉， 值得一試就係佢個燉湯 每晚都行良賣完就冇， 有一兩次晏咗啲去都已經賣曬， 食完晚飯之後佢仲會送一碗糖水 ，每晚唔同㗎

午餐有齊哂老火湯, 小炒主食, 時菜, 糖水食飽飽再繼續工作今日係青紅蘿蔔豬骨湯, 上次係白菜膽豬骨湯呢排熱屋企唔煲湯, 晏晝叫做有湯水滋補海南雞黃薑飯雖然係雞胸 但一啲都唔嚡不過我覺得似白切雞多啲西蘭花淋咗蠔油 一人份量好慷慨見隔離係生菜芽菜 仲有番茄碟上最後食埋碗紫米露糖水,上次有木瓜雪耳糖水隔咗個禮拜食 都有轉例湯同糖水嘅款多人嚟可以嗌幾個餸share仲有健康五穀飯選擇———————————————————————————$48農家菜館屯門藍地大街梅嶺閣C座

母親節將至，又適逢母親大人生日，如果星期日要在屯門或元朗食晚飯，無論好食同唔好食的餐廳都會好多人。最近聽朋友講屯門藍地ESSO油站側邊的 ''農家菜館'' 早前轉左老細和厨房師傅，啲野好好食和好抵食。可能正正因為係新人事新作風的關係，通常一開始都會用平、靚、正去吸引食客，所以就早去早享受😆😆訂番兩圍枱試下，同母親大人慶祝生日。🎂🍧🎀🎁🌺🎉🌻🍻🍺🍺🎧🎤🎉🎉菠蘿生炒排骨($68)，薄薄的脆皮配上菠蘿的果香包住爽口彈牙充滿肉汁的排骨簡直食落口令人回味無窮，新界猪肉果然係出色。時菜炒牛肉($56)，青綠幼嫩的白菜配上肉汁鮮味的牛肉味道一流，鑊氣十足，煮的時間剛剛好，最重要係白菜一點農藥味也没有頭抽豉油鷄($168)，全隻鷄肉鮮滑幼嫩，加上自家製頭抽，配搭一流。鮮鷄没有特别醃製，只是點上少少頭抽已經好好味。蒜茸粉絲蒸鮮魷($98)，魷魚好鮮味，重口味的蒜茸配上浸滿魷魚汁的粉絲真係無得頂，魷魚連蒜茸連粉絲一齊食，簡直係絕配。💑💑松子黄魚($168)，黄魚唔係太大條，肉質滑嫩，脆口的魚皮配上酸酸甜甜的醬汁再加上香口的松子口感一流，好醒胃。😃😃小炒王($78)，材料豐富配搭恰當，包括有韮黄、鮮蝦、蝦干

呢日同屋企人一行二十幾人到位於屯門藍地嘅農家菜館預祝母親節，餐廳總共有三層我哋喺中間嗰層用膳。生炒排骨($68)，排骨夠入味，外皮鬆化，醬汁酸味妹好開胃！時菜炒牛肉白菜仔($58), 牛肉有牛味，唔靭又份量足，白菜仔吸左D牛肉味好好食。頭抽豉油鷄($168), 豉油味咸甜適中鷄肉入味得嚟夠嫩滑，正！農家炸子鷄($208)，鷄皮香脆，鷄肉嫩滑入味，無得輸！可惜唔記得影相。小炒王($78)，呢個餸係全晚精彩之中的精彩，鮮魷、鮮蝦、蝦乾炒韮王，炒蝦乾的香味令全個餸好好食之餘仲有一種好好食的味道，老闆賣關子話係秘製香料，呢個餸嚟到一定要試！松子黃魚($168), 黃魚鮮嫩一D都唔腥，脆醬鬆化，加上個酸酸甜甜的醬汁入面有松子、菠蘿、椰果、青椒等，好味又口感豐富。蒜蓉粉絲蒸鮮魷($98)，鮮魷量足新鮮又唔靭，蒜蓉令到鮮魷更味美，碟底的粉絲吸左鮮魷的味道更加係無得彈！最尾送嘅雪耳木瓜糖水飲落非常清潤，啱晒平時夜瞓嘅我。總括嚟講呢餐嘅餸菜都非常味美，埋單每人都只一百蚊左右，我會再嚟幫襯!

天氣依然持續寒冷，放工返到屋企樓下，同老公撐下枱腳先！農家菜館幫襯左好耐，貪佢價錢實際，有冇味精。 魚香茄子五色石鍋飯，呢個絕對係冬天裏面煲仔飯以外嘅首選，熱辣辣嘅石頭鍋，一上枱嘅時候，千祈唔好即刻撈勻啲飯，等一等。。令到飯焦出現！正魚香茄子好食唔再講，飯唔係一般嘅白飯。。係超級健康嘅五色飯。無一般嘅煲仔飯咁多油，健康好味自選！ 豆腐粟米羹。。皆因天氣實在太凍！好想飲啲熱湯暖下身。。並唔係一般嘅罐頭粟米湯咁簡單！係冇味精嘅粟米羹，home made嘅感覺。唔想煮飯，但又成日好想食住家飯嘅兩口子，會明白嘅感覺！ 南瓜排骨煲排骨加左麵鼓醬，香口！南瓜已煎香！軟綿綿，甜甜的。❤️食完成餐飯一啲口學嘅感覺都冇。好似返左屋企一樣！👨‍👩‍👧‍👦咁嘅價錢，唔使洗，唔使煮。。可以去邊度揾？