影片
更多
2019-05-21
88 浏览
同朋友好耐都冇食过韩国炸鸡!!于是我哋二话不说就上咗呢一间餐厅去食。估吾到平日七点几嘅时候人流都多㗎，好彩我地最后唔驶等好耐就有位！餐厅里面嘅位置都几宽阔，而且空间感几大所以坐落去都几舒服，唔会好逼，而且颜色都系以黄白色为主，感觉几舒服。睇睇餐牌先，炸鸡嘅选择同口味都超级多，令到我呢个选择困难症嘅人都拣咗好耐都拣唔到。最后揾咗个最好嘅方法，就系叫咗佢哋嘅双重滋味炸鸡，可以拣两款唔同嘅口味任君选择，等我同朋友都可以试多两种味道。最后我哋嘅炸鸡叫咗初雪炸鸡同蒜香酱油炸鸡，先讲一讲佢个初雪炸鸡，上网睇留言啲人个个都大赞，果然芝士味道激重，而且有几款唔同嘅芝士粉铺左上去，炸鸡外皮香脆加上浓郁嘅芝士味简直系罪恶之选，一啖接一啖。另外一款蒜香酱油炸鸡都一流，佢嘅蒜蓉味唔会太重，加上炸鸡表面撒左好多黑白芝麻，食落去就更加香。所有炸鸡都掌握得刚刚好，肉质唔会好老，不过大家记得刚上枱唔好急着食啊，因为真系里面嘅肉汁真系好热！另外我哋叫咗一份劲量级鸡蛋卷，里面配有芝士同泡菜，个份量一上枱，基本上已经吓亲我同朋友，因为真系冇想像过会咁大份，四五个人share食都食到。鸡蛋卷好有蛋香，而且实实在在，而上面嘅蟹
同朋友好耐都冇食过韩国炸鸡!!于是我哋二话不说就上咗呢一间餐厅去食。估吾到平日七点几嘅时候人流都多㗎，好彩我地最后唔驶等好耐就有位！餐厅里面嘅位置都几宽阔，而且空间感几大所以坐落去都几舒服，唔会好逼，而且颜色都系以黄白色为主，感觉几舒服。
睇睇餐牌先，炸鸡嘅选择同口味都超级多，令到我呢个选择困难症嘅人都拣咗好耐都拣唔到。最后揾咗个最好嘅方法，就系叫咗佢哋嘅双重滋味炸鸡，可以拣两款唔同嘅口味任君选择，等我同朋友都可以试多两种味道。
最后我哋嘅炸鸡叫咗初雪炸鸡同蒜香酱油炸鸡，先讲一讲佢个初雪炸鸡，上网睇留言啲人个个都大赞，果然芝士味道激重，而且有几款唔同嘅芝士粉铺左上去，炸鸡外皮香脆加上浓郁嘅芝士味简直系罪恶之选，一啖接一啖。另外一款蒜香酱油炸鸡都一流，佢嘅蒜蓉味唔会太重，加上炸鸡表面撒左好多黑白芝麻，食落去就更加香。所有炸鸡都掌握得刚刚好，肉质唔会好老，不过大家记得刚上枱唔好急着食啊，因为真系里面嘅肉汁真系好热！
另外我哋叫咗一份劲量级鸡蛋卷，里面配有芝士同泡菜，个份量一上枱，基本上已经吓亲我同朋友，因为真系冇想像过会咁大份，四五个人share食都食到。鸡蛋卷好有蛋香，而且实实在在，而上面嘅蟹籽都落得劲多，配上里面嘅新鲜泡菜同芝士，真系每食一口都好满足。
饮品方面都可以推荐佢嘅nene soda,我叫左既super berry soda真系好fresh,配上炸鸡真心越食越开胃，so good~
张贴
