靠得住粥麵小館 (形點 II)

营业中

休息中

YOHO型点已经变成元朗新嘅聚脚点，我和朋友嚟靠得住粥面馆食晚饭，最初以为净系食粥面，原来仲有好多唔同嘅𩠌菜可以选择；所以我哋就选择咗东江盐焗鸡，家乡北菇红炆猪肉，原条仓鱼嘅酸菜鱼和一些小食；个东江盐焗鸡，完全系冇骨嘅，除咗鸡翼𠮶度有少少之外，真系啖啖肉，啲鸡做得好软滑，好有鸡味，用嚟送饭就真系一流啦! 而𠮶个家乡红烧炆猪肉，亦都做得刚刚，猪肉入口即溶，食过真系赞不绝口！原条仓鱼嘅酸辣鱼，真系比较特别，条仓鱼可以攞出嚟放喺碟度或放喺汤里面浸住嚟食亦都可以，明显条鱼系煎过再摆落去汤煮，所以索晒啲汤味，食落十分滋味！而小食方面哩，个小青瓜同埋酸萝卜做得亦都唔错，整体嚟讲呢间真系唔系一间粥面小馆咁简单，直情系一间小菜馆嘅级数！