上海榮華川菜館

营业中

休息中

因为屋企人喺呢度附近住，就约喺呢间铺头度食午饭。因为想试多少少野，就叫咗个二人套餐，加多$25有其他嘅汤转成云吞鸡汤。屋企人叫嘅麻婆豆腐好快入到，因为佢系上海同埋川菜馆，虽然叫咗小辣但系麻婆豆腐都系好辣，里面都是到少少花椒味。食落都OK但系我酱汁对我来讲有啲辣同埋啲汁有啲太重口味。醉鸡都好快到，好钟意佢个汁，觉得糖同埋啲花雕酒好平衡，唔会好似一啲酒楼整嘅醉鸡咁甜。啲鸡都好入味同埋好香，鸡肉煮得啱啱好唔会太老。最钟意佢菜式应该系个云吞鸡汤。云吞应该系用白菜而唔系用韭菜整嘅，所以里便啲肉汁嘅味道唔会好似食其他云吞咁样比韭菜嘅味道掩盖左。鸡汤用鸡肉熬制嘅所以鸡汤有非常浓郁嘅鸡味，远远都闻到鸡汤嘅味道，再加一d娃娃菜变得好甘甜。食完啲嘢之后八宝茶就到啦，里面有八种唔同嘅中药，好甘甜同埋清热下火所以都唔错。总括而言系一间唔错嘅老店，特别推介佢嘅云吞鸡汤因为足料又好饮又好食。