Steak Bar (已結業)

今日去咗铜锣湾登龙街揾食，见到一间叫Steak Bar 有石烧牛同其他午市定食选择都几吸引，所以就一于试下。吉列炸牛扒定食 $188吉列外皮就系预先炸过，但入面牛扒都仲比较生，所以有个石烧炉比你自己烧，想要几成熟自己控制。个人觉得烧至5-7成口感最嫩最好食。同埋有芝麻，紫菜嘅饭一齐食系特别惹味😋呢个定食除咗主食炸牛扒同饭之外，仲有我钟意食嘅腌萝卜，沙律菜都几好食。整体嚟讲唔错。顶级板腱牛扒定食 $195呢个系限量嘅，店员都会建议熟度5成会比较好，我平时都系成开5成熟，所以啱晒。板腱牛扒肉质粉嫩唔韧，肉味香浓。份量都多大，好似食极都仲有嘅感觉😍豆芽海蜇渍 $12有海蜇、豆芽、萝卜丝全部食落都好爽口。小食除咗豆芽海蜇渍之外，仲有蜜糖蒜香鸡翼、和风紫菜薯条、鸡软骨饺子可选择。