D Corner (已結業)

今天下午同姊妹三人 前往大本型商场shopping 行到肚饿 揾嘢食 行行下见呢间餐厅 就入去试下 环境尚算不错 开始点餐 set lunch都有8个 算多选择 三个各点左三个唔同set lunch 我要磨菇苋菜填鸡胸 另外一个羊脾扒同龙利配天妇罗虾 首先南瓜汤 味道浓郁南瓜味 不错 到主菜上场 鸡胸感觉普通 羊脾扒几好味 其实见有羊脾扒都几出奇 一个油塘商场 竟然有呢个 惊喜！而龙利同天妇罗都真系几好味 天妇罗虾脆口 虾新鲜 鱼都煎得脆 啲鱼仲保留汁 唔会干身 不错！再嚟甜品 点左两样 纽约芝士饼同心太软 芝士饼普通 下次可以唔食 心太软师父做得出色 要比个赞！甜品一份另加$15 set lunch就$8x-9x一位 算抵食 加埋杯即磨咖啡 三个人都唔驶$350 平民价钱 质素唔错 都值得下次再帮衬！