D Corner (已結業)

喺油塘返工嘅我 今次就發掘到一間喺大本營嘅角落頭 叫d corner我覺得啲西餐午餐都幾好食但係如果你叫其他嗰啲日式大碗飯或者海南雞飯我就唔太建議因為個樣有啲頹 唔係太吸引

話說有一日約左個fd來呢頭見下，就揀左呢間野，我個fd到先，佢就叫左個午餐食（8x), 茶記質素收80幾，嚇都嚇到飽晒。甘就諗住陪我fd坐下啦，我個fd食緊時，有個疑似經理或老細既物體就走過來，叫我去order野，我就話唔使，初時唔為意，佢俾左個十字手勢。無理到佢，跟住佢走過來話一定要order野，唔係要收10蚊坐台費。下？坐台費？食左幾十年野都未聽過坐台費。兩個人來幫襯，叫左一個餐，無叫餐果然就唔可以坐？唔怪之得全場得我地果張台啦。當然我堅係以為坐滿晒我地見唔到既人添。為左唔俾個疑似經理或老細既物體黑面，就叫左個下午茶，3-40蚊個三文治餐話好抵，難食到呢。

今日獨自一人黎到油塘，係商場一個角落，見到一間好似食西餐嘅地方，入去後服務員很快拎左杯水比我，咁我就叫左一個西冷5成啦，餐湯有雜菜同南瓜🎃，我叫左个南瓜湯，好快湯就到左，南瓜湯南瓜未都ok，湯面嘅忌廉，令南瓜湯更滑，西冷到了，意粉同牛油加蒜蓉炒過嘅香味升級，不過个菜就不太好，比較冧，可能飛水太耐，牛扒中間紅外圍煎香，肉質都算ok。有樣好奇，我只是廚房得一個姐姐同一個著黑褲的人，黑褲那個應該甘零歲，如果只得呢兩個，我相信黑褲呢個應該係煮呢餐嘅人，你煮嘅野好好味，比心機，下次一定再黎，希望你會做岀更多好野

其實喺出面見到價錢牌都已經覺得幾貴，不過見呢間餐廳人少， 貪唔使等位，所以嚟試下。環境唔錯，幾多靠牆梳化位，望落都幾似 西餐廳。不過我食茶餐呢啲都無乜所謂。食左西多，扒腿芝治，腸煙肉卷併薯條，吉列魚柳併春卷...份量好細，味道正常。茶餐食既都係茶記野，性價比好低。比較有驚喜，係扒芝腿治用蒜香牛油煎，食落好似蒜蓉包咁，幾好味。原本價錢已經貴(西多要$38)，下午茶時間都仲要加一，服務既好似係老闆本人/屋企人，唔係着制服，感覺唔係太好。

今天又到午餐時間,特意從官塘乘 2個 MTR 站到油塘碰碰, 因每天在官塘區 Lunch, 確實委屈, 價錢唔講, 淨係等位入座已經令人 壓力大增沒胃口,大多無服務, 未吃完已經想趕客走咁滯 !!第一次到達油塘大本型商場! 地下G/F 見到廣告牌介紹這間西餐廳 D CORNER RESTAURANT. 門口餐牌價 Set Lunch 由$48 至 $88, 包湯、主菜、及飲品, 還免加一不貴合理.我和同事 Order 左西冷牛扒及美國厚切豬扒餐, 湯好快來到, 好夠熱, 南瓜湯夠南瓜味, 雜菜湯帶小辣夠香濃, 唔錯!!西冷牛扒來到, 嘩 !好大件, 食落就覺得煎得過熟, 否則應該更好味, 下次一定要說明食幾熟? 另一個美國厚切豬扒餐, 同樣夠厚夠大件, 食落真的(喜出望外), 口感好淋肉質爽口, 煎焗唔乾硬時間恰到好處 ! 店舖食材用料的確是美國豬扒, 食落同其它的巴西豬扒完全不同, 巴西豬扒只是平, 但是食落絕無口感兼乾硬!!埋單, 豬扒餐只$80. 西冷扒餐只$82. 閒日免加一超值, 官塘區一定食唔到 ! 地方環境和服務唔錯, 已廣泛通知所有 FB 朋友, 一定會再來, 以後又多

在油塘的大本型內，食店林立。今天途經這裡，發現一間西餐廳裝修得簡單雅致。雖然是午餐時段，可能是價錢偏貴的原因，餐廳內的顧客不算多，更顯得餐廳寧靜而舒適。身心疲累的我，很想靜靜地享受ㄧ頓美食。點了一客羊脾扒拼意粉，原因是從未吃過羊脾扒，所以想試一試。餐湯率先送上，是玉米野菌忌廉湯。湯又濃又香，最重要是熱氣騰騰，讓人感覺很溫暖。羊脾扒拼意粉也很快送上桌，足足有两塊羊脾扒，份量十足。先吃一囗羊脾肉，肉質爽口，ㄧ點也沒有韌的感覺，口感很好。而秘製的醬汁加了少量香草，所以羊脾扒不但沒有羶味，反而令羊肉味更突出，很好吃呀!整體感覺不錯，如果價錢可以便宜少許，應該能吸引更多顧客。

今日我約了朋友去油塘拜年,之後我地到大本型搵野食,行行下去到一個比較隱蔽D嘅位發現一間西餐廳,於是行入去試一試,我地分別叫左兩個餐,一個係$88串燒牛肉眼同埋$88厚切美國豬扒.一開始先上個湯,由於我地兩個都唔鍾意忌廉,所以大家都叫左個雜菜湯,雜菜湯我略嫌味道重左D,不過都可以接受,但可能今日係星期日,所以人比較多,都要等10-15分鐘先上到主菜,串燒牛肉眼夠香唔會燒過頭,而且賣相都好靚,再嚟就係厚切豬扒,真係好厚身同都幾大塊,食落都幾淋身.最後我地叫餐飲時店員介紹我地飲咖啡,雖然要加$5但見佢咁推介我都照要,杯咖啡飲落都唔錯而且佢地仲要係比coffee cream,而家出面真係冇西餐杯咖啡係會比coffee cream,所以呢$5抵比佢加.如果有機會再嚟油塘呢邊,我多數會再返嚟呢間西餐廳到食同埋會捱介比其他朋友知道,原來油呢到都仲有好野食.

失望！！唔係第一次黎喇，平時都係拍烏蠅但我地覺得夠靜，帶小朋友黎比較好。點左一個牛排一個豬排，平時我都會食牛咁啱當日唔係好舒服，食厚切豬排冇咁躁。上菜既時候塊豬排比D汁遮住中間位，我地都唔覺有咩問題，我先生仲切左一下個邊邊位餵我。然後就冇再郁。等到我餵完Bb，準備食既時候，一刀切落去係硬既。挑開曬D汁就發現成塊所謂厚切豬排，有3/4都係骨！係一大塊骨，非常之誇張。咁我根本冇辦法食啦，叫個唔知老闆定manager黎，指比佢睇仲反轉前後話佢聽「真係成塊骨啵，點食啊😨」。然後佢就成碟拎走左。一開始我都覺得冇咩既，因為我都去過好多次，係熟客，而且我又唔係唔講道理貪便宜既麻煩客，所以好peace咁等佢處理。10分鐘之後，佢拎番我碟野出黎，上面除左塊「厚切豬骨」仲多左一塊超薄豬排（大概係厚切的1/3厚度，size就一樣）。然後佢話，補翻俾你既，就走左。咁我認為，fine，得饒人處且饒人啦，大年初7，冇必要再嘈。然後我接受左個塊冇汁薄切豬，當然，佢本來在碟上的厚切豬骨我冇再碰過，因為除左狗係唔會有人咬得到。到埋單既時候，我老公覺得佢地態度好差，由頭到尾一句sorry或者小小抱歉既意思都沒有。於是搭訕

呢間野，以後我都唔會再去，叫左個厚切豬排，中間舊骨好似個拳頭甘大呀，同老闆講左一下，隨即黑面，之後厚切豬排變左薄切豬排，我都冇講咩，到埋單既時間再講多一聲叫佢地唔好甘樣比人地先得架個厚切大骨，老闆黑面個程度爆發再爆發，又話我地要求高，唔好再講甘多野，我都費事彩佢，我以後一定唔黎。明白到點解佢會由中環搬黎油塘，因為服務太差，只係講多幾句個老闆都黑面，邊會有人去，今時今日甘既服務態度點得架。今次事件都明白到點解佢生意甘差，因為服務差所以生意差，真係打開個門口黑面比人睇。你話點會再去！佢應該搬去做大排擋。態度差，要求低！

今晚10月14日，偶然到了油塘大本型，選擇了D Corner試試，結果是絕度失望！诲南雞飯，雞是硬的而且沒有最基本的香，油飯也一樣是硬的。燴牛腩跟白飯，牛腩及白飯是暖的，是熱的。食物質素不佳，仍可接受，因D Corner本身價格高，只是普通餐廳。最不能接受的，是全店工作人員的服務態度佳，特别是那位儗似經理的男店員，他只穿便裝沒有制服的，全晚黑面，我能感受他不想再有客戶來到這裡麻煩一樣的。此餐廳只得幾枱客，生意差是合理的。

西餐既野, 小妹我真係唔係好識煮, 所以平時在家甚少煮西餐, 就算煮, 也只是簡單的意粉、煎雞扒。  自從總部搬離開0左油塘, 去食D CORNER的次數少了。  今日陪HONEY睇完牙醫之後, 見時間尚早, 亦都順路, 所以特意去0左大本型食番個靚。西。餐。今次仲要好彩, 試到之前未食過的東西。  HONEY要了厚切朱扒, 配飯。我要了焗黑椒雞扒飯, 頭盤繼續係是日餐湯, 今天係洋蔥湯, 個湯幾香洋蔥味, 食落有少少甘甜的感覺, 好快已經俾我KO了。  不過依個唔係法式洋蔥湯, 所以係無一片法包同芝士係面的,但個湯配上暖暖脆脆的蒜蓉法包, 也實在好味。等0左大約10幾分鐘, 個主菜來了。焗黑椒雞扒飯個面D芝士撈埋D飯食, 超香芝士味, 好好送飯, 不過好熱, 有少少整到個咀。  個黑椒汁好香黑椒味, 而且個TEXTURE唔係好似平時D茶記貨式得一PAT野咁, 對我胃口。雞扒亦都好JUICY, 整體來說, 5粒星最高, 我會俾4粒星。 HONEY的主菜先係必須要大力推介的。厚切朱扒!!!!!! 請唔好怪我用咁多!!! 因為依個主菜真係令我喜出望外。  識煮野食既人都知道, 朱扒真係好難

開張到現在，我幾星期也會來一次，之前真的不錯。但，近半年，水準大幅滑落！近兩次來，也很差，七成熟牛扒，七成熟羊架，全是血淋淋，三成熟也無！海南雞飯，似雞肉刺身！加上經理極悔氣，只能説句，不會回頭了！

望落去似係幾有質素 假日就揀左黎食個lunch慶祝下=]首先有餐湯同蒜蓉包 真係omg...個是日餐湯十級伏 勁奇怪 普通白湯好味好多><蒜容包冇乜味又唔夠熱 好似成緊白包咁--主菜就有呢個白汁鴨胸焗意粉完全唔夠味 我自己要額外落左黑椒同鹽/.\鴨胸份量都適中 唔會太少既 成個意粉有種微焦既味道然後仲有呢個雜扒啦 首先豬扒十級硬 一啲味都冇 雞扒好少少 起碼願意食第二啖 雖然唔係鐵板餐姐 但我都冇expect過係暖-- 真係普通茶餐廳六十幾蚊果啲扒餐有質素好多！個量唔算少 好大碟既 但完全唔值

因為依個店的位置比較隱蔽, 開0左應該有3年, 我先係近兩個月開始幫襯, 典知, 一試難忘!  食物、價錢、服務, 每方面都係超值之選, 所以一定要重開我OPENRICE的ACCOUNT 寫下依間小店今日又同HONEY黎依到食野, 我叫0左豬手飯, HONEY叫0左意式焗朱扒飯。  個豬手飯係regular menu, 每日都有得食。  都唔係第一次食依個飯喇, 好like朱手, 朱手皮深啡色, 齋睇都知個朱手燘到入曬味。色水夠之餘, 個似都燘得好夠淋, 但係又唔係淋到柴皮 (即係好似煲完幾個鐘湯的湯渣朱肉), 每啖咬落去都有一點點嚼勁。 至於個味, 係少少甜的豉油味啦, 好配合個朱肉口感   加少亦都係燘到入曬味的旦旦, 配白飯, 一流, 清曬, 一粒飯都無留低!意式焗朱扒飯, 堅係即叫即焗。個飯一來到已經聞到芝士既香味, 一食落去, 個汁唔係一般既茄汁, 應該係......用意大利既方式煮既汁, 所以唔係好識形容個味。  芝士好似係cheddar cheese, 超濃芝士味。個朱扒大約0.5cm的厚度, 煎香0左, 切埋一件件, 一啖飯、汁、芝士、朱扒加埋, 一口食落去, 好好味呀

今天下午同姊妹三人 前往大本型商場shopping 行到肚餓 搵嘢食 行行下見呢間餐廳 就入去試下 環境尚算不錯 開始點餐 set lunch都有8個 算多選擇 三個各點左三個唔同set lunch 我要磨菇莧菜填雞胸 另外一個羊脾扒同龍利配天婦羅蝦 首先南瓜湯 味道濃郁南瓜味 不錯 到主菜上場 雞胸感覺普通 羊脾扒幾好味 其實見有羊脾扒都幾出奇 一個油塘商場 竟然有呢個 驚喜！而龍利同天婦羅都真係幾好味 天婦羅蝦脆口 蝦新鮮 魚都煎得脆 啲魚仲保留汁 唔會乾身 不錯！再嚟甜品 點左兩樣 紐約芝士餅同心太軟 芝士餅普通 下次可以唔食 心太軟師父做得出色 要比個讚！甜品一份另加$15 set lunch就$8x-9x一位 算抵食 加埋杯即磨咖啡 三個人都唔駛$350 平民價錢 質素唔錯 都值得下次再幫襯！