興旺廚房

营业中

休息中

打风日，都系喺屋企楼下买外卖返屋企食~依家三𩠌饭新开张咗一阵，都未试过 今日见佢都有开门，一于就试吓啦！呢度两𩠌饭$36,三𩠌饭$45，已经包括例汤或者热饮 如果要半边龙虾就$55见到啲𩠌菜都几靓，叫咗个三𩠌饭加半边龙虾🦞要咗一碗例汤同热奶茶🥤三𩠌饭分别系云耳蒸鸡、三色水蛋同埋杂菌豆腐卖相都几靓，最欣赏系个三色水蛋，蛋味浓郁，非常香滑、底部仲有咸蛋同皮蛋！有心思嘅菜式～至于半边龙虾 都几新鲜，虾肉非常弹牙爽口，啖啖肉 份量都唔细～例汤清甜，应该冇乜点样落味精，收货～至于热奶茶就非常浓郁，钟意饮丝袜奶茶嘅唔好错过！