Lobster Une

营业中

休息中

其实近年都好少去西贡，不过突然有朋友搬左入去，我地又要做housewarming，就决定一齐去呢间西贡好出名嘅特色小店度食晚餐。一入到嚟，店员超级好礼貌，而且我觉得呢间餐厅嘅装修都真系好cozy，好有人情味。我哋同店员沟通，先知道原来呢度最拿手嘅一样嘢就系龙虾意粉，佢话差不多每一台都会叫，所以我哋都话要一份，后来上枱食过先知真系好味，首先意粉嘅口感软硬度刚刚好，另外就系所有啲龙虾都有预先拆肉，食落真系劲方便，所以味觉上都觉得好味好多。日本王林苹果沙律系一样我自己要求要叫嘅嘢，因为我劲钟意玉林苹果，觉得佢香脆清甜。迟啲叫沙律菜亦都相当新鲜，食落去好爽口，超正。后来朋友都介绍食呢度法国双色芝士pizza，因为知道我哋几个人都劲钟意食芝士，而真系冇失望，饼底嘅口感真系好chewy，而且芝士唔会系死咸𠮶只，系食得出有层次感嘅。炸鱼薯条美式就系我朋友介绍嘅，炸得好香脆，完全冇油膱味，绝对系外国食到嘅质素！