日喜樓 (已結業)

以前日熹楼喺湾仔既时候都帮衬过搬左去灯笼街V point更加方便就脚喺地面走过电梯就到，同前店唔同系呢度比较光猛，以前装修古典，现在带时代感。睇紧menu，店长就介绍北京填鸭做紧推广价$159 半只。有净皮及皮肉相连，鸭香皮脆肉质香嫩。将连皮胸肉加京葱花、青瓜丝及甜面酱汁用薄薄既么么皮包着，层次丰富又减低油腻感。每张么么皮有一层牛油纸隔开，唔会痴住一团～大大只黄金虾球一碟4件，新鲜大虾爽口弹牙，外层炸浆香脆薄身，沾满邪恶的咸蛋黄却没有油腻感觉，反之咸香惹味。爆汁牛肉馅饼，唔好睇佢细细个，入面充满肉汁，咬开饼皮一时忘记会爆汁，热辣辣既肉汁流埋出黎～主食想清淡点。。鳕鱼雪里红煨面是一个不错的选择，先呷一口奶白的鱼汤，香滑鲜味汤浓。既有金华火腿添鲜，亦有雪里红的爽嫩。幼细的面条软而不烂，充分吸收鱼汤的鲜味。最正系鳕鱼肉都唔少，加埋汤面一齐食，一腹大满足!食京菜，甜点少不了高力豆沙～沾满砂塘既蛋白球入口柔软有弹性，中间红豆馅唔多亦唔太甜，而入面既香蕉更增添多一份香气。另外晶莹透亮既桂花糕，除左桂花仲有一粒粒芦荟，口感更加清甜滋润。