Fast Taste (金碧閣) (已結業)

本身想去一间平时去开嘅餐厅食lunch ，但系太多人要排队，见到隔离呢间少人啲，同埋又未试过，于是就入去试吓。佢有个lunch set，我就叫咗香脆鱼柳汉堡，佢仲会送薯条，个餐都包左一杯饮品，我就叫咗金桔柠檬，同埋加多＄9可以要多个沙律，餐汤，同埋一款小食，我就要左鸡翼。上食物嘅速度都几快，金桔柠檬味道有啲淡，但可接受。鸡翼就唔会太干，味道都唔错，唔会太咸。至于主角鱼柳汉堡，佢个包比较软身，配合香脆嘅鱼柳口感几好，但系我就觉得味道有啲唔够，可能因为我重口味。仲有啲薯条唔会太干太硬，成个set都可以叫做平靓正，都值得一试。