影片
更多
2009-07-01
11 浏览
今次终于食到”鱼一丁”啦~八点左右, o系留下等lift等左好耐, 上到去佢话要等9张枱, 大约一个钟, 咁我地就落去行下先, 结果八点半佢打黎话有枱啦~ 首先食左佢个4~6月既推介, 十款刺身, $280, 有三文鱼, 吞拿鱼, 八爪鱼, 章红鱼, 带子, 甜虾, 鱿鱼, 唔知咩螺, 同唔知咩鱼….. d刺身样样都好新鲜, 带子好鲜甜, d螺好爽, 连我唔好吞拿鱼都觉得佢好好食….. 天妇萝+汤稻庭乌冬, $8x, 天妇萝普通, 有两只虾, 茄子, 南瓜同番薯, 但系d汤好清甜, 乌冬比平时食既幼身, 不过烟韧得多了 !! 炸鱿鱼软骨, $4x, 虽然得几旧, 不过唔似平时食果d炸野, 感觉新鲜好多, 又唔会炸过火 唔知咩铁板三文鱼, $6x, 将几块三文鱼放o系杂菜上面, 用牛油同豆瓣酱既物体o系你面前煮, 煮到d鱼碎晒, 同杂菜捞埋一齐, 好香牛油味, 不过杂菜入面主要系耶菜, 豆芽, 少少栗米粒同洋葱, 个人唔多喜欢~最后就系我至爱既甜品啦~ 一丁黑蜜糖雪糕, $3x, 个雪糕有好多珍珠围住, 好香既糖, 味道略甜, 不过正合我既口味, 珍珠烟韧得黎, 好味过珍珠奶茶果d, 系
八点左右, o系留下等lift等左好耐, 上到去佢话要等9张枱, 大约一个钟, 咁我地就落去行下先, 结果八点半佢打黎话有枱啦~
首先食左佢个4~6月既推介, 十款刺身, $280, 有三文鱼, 吞拿鱼, 八爪鱼, 章红鱼, 带子, 甜虾, 鱿鱼, 唔知咩螺, 同唔知咩鱼….. d刺身样样都好新鲜, 带子好鲜甜, d螺好爽, 连我唔好吞拿鱼都觉得佢好好食…..
天妇萝+汤稻庭乌冬, $8x, 天妇萝普通, 有两只虾, 茄子, 南瓜同番薯, 但系d汤好清甜, 乌冬比平时食既幼身, 不过烟韧得多了 !!
炸鱿鱼软骨, $4x, 虽然得几旧, 不过唔似平时食果d炸野, 感觉新鲜好多, 又唔会炸过火
唔知咩铁板三文鱼, $6x, 将几块三文鱼放o系杂菜上面, 用牛油同豆瓣酱既物体o系你面前煮, 煮到d鱼碎晒, 同杂菜捞埋一齐, 好香牛油味, 不过杂菜入面主要系耶菜, 豆芽, 少少栗米粒同洋葱, 个人唔多喜欢~
最后就系我至爱既甜品啦~
一丁黑蜜糖雪糕, $3x, 个雪糕有好多珍珠围住, 好香既糖, 味道略甜, 不过正合我既口味, 珍珠烟韧得黎, 好味过珍珠奶茶果d, 系多得济, 食到好饱….
北海道紫薯雪糕, $25, 面头写住”自家制”, 入口好耐先有紫薯既味道, 淡淡地, 唔太甜, 仲有紫薯粒, 都可以一试~
d枱既距离唔会太密, 不过环境好嘈, d野食等左好耐, 服务唔错, 野食好味, 应该会再去既~
~相片质数唔好, 请见谅~
张贴
