太爺雞 (已結業)

自从好运个师傅唔喺度之后，喺观塘要揾返啲可以叫𩠌食饭嘅地方就真系少之又少。但系我嘅同事每一日都会打电话过去好运度问个师傅返嚟未，今日又比佢问到话个师傅好似返咗嚟㖞，又去咗望一望，咁点知又系食闭门羹。所以就去咗呢一间平时有见过，但系冇入过去嘅太爷鸡度试吓啦。呢度除咗有午市嘅快餐之外，都可以叫𩠌食饭，咁我哋咁多人，梗系叫𩠌食饭啊。附送几碗餐汤，但系就真系唔得啦，一定系沟左水，味道非常之淡。首先就系呢叫咗半只太爷鸡，个份量都几好，鸡嘅肉都好饱满，而且个鸡肉好滑 ，真系几好。味系豉油味，但系又唔会太咸，甜甜地。黑椒牛仔骨嘅火候就真系十分之够，一食落去就感觉到黑椒嘅辣。但系唯一就系唔系甘熟，因为有啲牛仔骨接起左，𠮶啲位接触火嘅位置比较少，所以呢就偏生。菠萝生炒骨个人觉得啲味道几好，酸酸甜甜，咕噜肉嘅脆皮都做得几好。但系同事就啊个味道就一般，可能各有各口味啦。鲜鱿炒胜瓜都几好，除咗胜瓜之外仲会有黑木耳同埋萝卜，鱿鱼有口感，有镬气。但系最唔好嘅就系佢啲白饭都要继承＄12.1个所以埋单就要差唔多＄90.1个人。虽然味道几好，但就太贵了。