咖啡亭 (已結業)

今日红日，同2个女仔朋友按完摩突然间好想食自助餐，打左几间都有位，不过呢间就之前试过，又知道做紧蟹类的食物，所以一试！打左去问，8点半个轮有位，openrice做紧二人同行7折好扺，折左480元一个，不过因为我地三个人，第三个要收返正价，为返起540元一个，价钱都接受到。讲返食物方面，我同朋有都真系好少可会食咁多生嘢，因为啲海鲜好新鲜，由其系生蚝同长脚蟹！今晚有三款蚝，全部都有试，新鲜又有海水味，真系几ok! 我地总共食左27只😂😂😂😂 鱼生方面，三文鱼同甜虾都好新鲜同肥美！另外，热食方面，值得推介系蟹粥，蒸鱼同黄金虾。虽然热食不多种类，但整体上都系不错！最后，甜品方面，最开心的系自制窝夫！有计时器系旁边，客人自己将沟好的蛋浆倒入个整热左的窝夫机，再系旁边加上自己喜欢的糖浆朱古力浆同生果！系有啲不开心，无哂cream🤔整体来说，可以再去，服务态度几好，好细心不停加水同湿纸巾！