外灘軒 (已結業)

老婆收工话想去食上海菜，之后谂到呢度都食过几次，质数都尚可，我就早d去等位，好好彩早到左，2个人都好快有位。老婆到左之后，就由佢点餐，佢钟意食点心，就点左小笼包及锅贴。锅贴热辣辣，大大只，馅料又多，每人食两只都有d饱肚，至于小笼包都不差，好多汤汁。每次来到都必定点选呢两样点心另外我地叫左半只片皮鸭2食，不过就等左好耐啰，起码都有半个钟，亦都吹左几次单先来到。鸭件唔算大件，两个人食就岩岩好。其他鸭件就用黎整津白豆腐鸭汤，豆腐非常之滑，个汤唔错。