茶屋町 (長沙灣道) (已結業)

同朋友去食呢间餐厅，之前试过佢嘅甜品，今次试下正餐，叫左海胆松叶蟹肉意粉，朋友食芝士唐扬鸡肉丼。意粉以便当形式上，仲有番薯仔同海带呢啲配菜，意粉同蟹肉好夹，好味，仲有一粒细细件甜点，好满足。不过如果包埋饮品就更佳喇。另外个芝士鸡丼，比个意粉更吸引，炸鸡热辣辣，有好多件，炸粉唔会太厚，一口咬落就系嫰嫰仲好juicy 嘅鸡肉，配埋溶紧嘅芝士，唔会太漏，好正呀！份量好大，够晒饱。美中不足的地方系，餐厅地方有点细同逼，朋友个袋太大都冇位放。下次食唔好再拎住一袋二袋入去食喇。仲有当日店员可能人手唔够，有时叫好耐先有人应，不过唔赶时间就冇所谓啦。