鳥語 (已結業)

咁啱中午过左海。就近揾间黄店食。以为中午时份会多人。点知都几静。对个人就好嘅静静地。但都希望可以生意好啲。lunch set叫左个pesto linguine.自家制青酱好似几吸引。pasta我系比较中意pesto sauce。无cream sauce咁漏无tomato sauce咁惊酸。然后出到嚟原来系pesto cream sauce(扶额 笑)其实好食嘅唔算太漏。份量都够。蘑菇合桃都足料。linguine煮得几好。只系真系无谂住系cream因为我本身想清清地。如果我食素唔饮奶就会比较尴尬。咁当然自身都应该更加注意落单时问多句保险啲。然后加左$40柚子蜜糖鸡翼。的确系唔脆嘅同埋柚子蜜落得都几多。味道可以。哩个价钱5只算系咁。餐饮包咖啡或茶。一般谂住写茶即系柠水柠茶或者奶茶都应该有。我叫奶茶话无㖞。咁柠水。小姐姐又好犹疑。咁我唔知我可以叫咩就问。原来系无糖绿茶。咁 不如你一早话我知其实我无咩所谓lol然后中午窗口位会越来越晒。如果系客人进入时未晒到个位但明知之后会好晒。提一句窗边位会比较晒其实会贴心啲。又唔洗之后要调位又要上晒菜再搬嚟搬去咁。预祝新一年生意兴隆。越做越好。