悠閑閣餐廳 (已結業)

第二次嚟帮衬，上次食晚餐，质素不错，见到有all day breakfast 所以嚟试下。星期六12点几去到都几多人，好彩仲有枱。叫咗个午餐嘅all day breakfast，包汤同热饮，好似系$68，价钱都ok。汤系磨菇汤，唔系冲粉，饮得岀系机打碎嘅磨菇，几好饮，配埋蒜蓉包。主菜有黑松露炒蛋，肠，牛角包，薯条，沙律，蕃茄，烟三文鱼同烟肉，全部都系新鲜整，牛角包好香牛油味好松软。炒蛋亦啱啱好，无炒到好干，烟肉好脆好香口。份量都几多，女仔食饱咗少少。但好食所以食晒。