延

营业中

休息中

有段时间无食铁板烧，喺网上揾吓资料，试咗呢间喺天后既延。当晚同老婆两个人去食，结果系唔多满意。先讲食物，两样主食，龙虾煮得过熟，都唔敢要求有糖心，但都不能够煮到鞋飒飒。和牛薄烧无嘢，厚切就出事，我要五成熟老婆要七成，最后两个都食到入边系生嘅，失败！再讲服务，我哋坐六人枱，之前已经有四个客人坐低，我哋坐侧边，厨师全程冇同我哋有交流，就算早前四个客人走了，佢都系自己煮，煮完就放喺我哋面前，同喺商场啲一人铁板烧冇分别，厨师一人煮10几个咁，仲有就系个厨师带住个黑口罩，俾人感觉唔系好舒服，店主系有责任管理好厨师嘅服饰同打扮，唔通佢话带埋个头盔同咩把遮喺背脊你都俾佢煮咩。畀得起千五蚊一位嘅客人，应该唔系想要呢啲质素，天后区都有好多同类高档食肆，若不从速改善，必定就会喺时间嘅洪流里消失。