坤記麵家

营业中

休息中

十几年冇去过油塘，今日攞架车去整，要两三个钟先攞得返架车，就周围行下。惊见到个招牌非常 sharp 醒，走过去睇下，见到有鱼面，叫咗个牛腩鱼面加腩汁，再跟杯热央。牛腩唔系潮流最兴嘅清汤腩，亦都唔系柱侯炆牛腩，而系类似豉油汁的牛腩，牛腩就一般，没有惊喜，也没有惊吓。反而见到个鱼面，看似好硬，立即心情一沉。心谂，叫咗好唔好都要食吓。点知食落有惊喜，鱼面好Q弹，有咬口，弹牙，亦有鱼味；同市面上一般较淋身的鱼面绝对不同，真系各有各好。杯热鸳鸯多奶，颜色比较深，文就冇乜茶味，但系饮落都ok，茶味及咖啡味都几平衡。大约十一点半开餐，最初得我同另一台客，但系越食越多客嚟，附近街坊，做工程嘅都有，似乎都几受街坊欢迎。