東京築地拉麵 (已結業)

我想试好耐，因为价钱同Menu都好吸引。不过唔知系咪疫情关系，啲食物真系差……我呢个系滑蛋吉列猪扒饭，啲炸粉淋哂唔脆口。猪扒似系放左好耐好耐嘅肉，唔知系咪处理唔好所致。成碗饭俾我感觉好差……似乎某间日式快餐店整得仲好食，价钱仲平啲㖭。男朋友叫左碗叉烧拉面，但啲叉烧细块到呢，我见黎到时不禁哇左声。碗面冇影相冇真相，我呢碗饭同相片相差得太远……我明白图片只供参考，不过食物质素真系好低。另外叫左个饺子，三样野里面，饺子系最好食。系疫情关系吗？楼面唔够人手，一个人做3个人嘅野，落单、收货同收银，唔俾啲耐性唔得，因为佢真系好忙，未能好快招呼你。