影片
更多
2007-12-31
2 浏览
早几日师傅专程黎呢间食店食晚饭, 无他, 因为呢间食店最近都几出名, 加上师傅都好耐冇食过喇沙, 所以都几期待!入到去灯光光猛, 比人一种好清洁干净同埋舒服感觉! 两个人被安排坐于一张四人, 绝对宽敞! 跟住师傅就睇下有咩好食先, 见到都有好多唔同选择, 最后决定要一碗新架坡咖喱海鲜喇沙, 一个一人套餐同埋一客越式炸虾卷!先讲下个新架坡咖喱海鲜喇沙, 新架坡咖喱海鲜喇沙汤底系以咖喱为主, 但咖喱味唔重, 反而有d椰香, 绝对唔似食咖喱, 汤底有少少酸少少辣, 几香几好味㖞; 而海鲜就唔算系d咩海鲜, 净系有两只未去壳虾, 有几粒鱼蛋, 几片炸鱼片同埋几块鱿鱼; 虾都几新鲜, 肉身爽口, 可以啦; 鱼蛋绝对系爽口弹牙, 好好味; 炸鱼片都几爽口, 薄薄地口感唔错, 可以; 鱿鱼就冇咩特别, 不过不失啦; 而喇沙入面粉系米线, 米线煮得烟烟韧韧, 咬口一流, 绝对唔系腍截截, 好味; 一人套餐就要左秘制咖喱牛腩, 而个套餐仲有清汤浸青通菜, 薄饼同埋餐饮; 秘制咖喱牛腩咖喱好香而少辣, 牛腩就好松一d都唔韧, 而且好有牛味, 好香好正呀, 不过d薯仔就硬d, 扣少少分啦; 青通菜味道一般
入到去灯光光猛, 比人一种好清洁干净同埋舒服感觉! 两个人被安排坐于一张四人, 绝对宽敞! 跟住师傅就睇下有咩好食先, 见到都有好多唔同选择, 最后决定要一碗新架坡咖喱海鲜喇沙, 一个一人套餐同埋一客越式炸虾卷!
先讲下个新架坡咖喱海鲜喇沙, 新架坡咖喱海鲜喇沙汤底系以咖喱为主, 但咖喱味唔重, 反而有d椰香, 绝对唔似食咖喱, 汤底有少少酸少少辣, 几香几好味㖞; 而海鲜就唔算系d咩海鲜, 净系有两只未去壳虾, 有几粒鱼蛋, 几片炸鱼片同埋几块鱿鱼; 虾都几新鲜, 肉身爽口, 可以啦; 鱼蛋绝对系爽口弹牙, 好好味; 炸鱼片都几爽口, 薄薄地口感唔错, 可以; 鱿鱼就冇咩特别, 不过不失啦; 而喇沙入面粉系米线, 米线煮得烟烟韧韧, 咬口一流, 绝对唔系腍截截, 好味; 一人套餐就要左秘制咖喱牛腩, 而个套餐仲有清汤浸青通菜, 薄饼同埋餐饮; 秘制咖喱牛腩咖喱好香而少辣, 牛腩就好松一d都唔韧, 而且好有牛味, 好香好正呀, 不过d薯仔就硬d, 扣少少分啦; 青通菜味道一般, 不过通菜都叫嫩, 可以啦; 薄饼都几厚, 几烟韧, 配埋d咖喱汁一齐食系好正; 越式炸虾卷一碟有五件, 炸得好松脆而且唔算油腻, 不过师傅真系失败, 食左三件都食唔出炸虾卷馅系咩, 但系又觉得几好味㖞! 再叫多两杯柠檬七喜, 柠檬其实唔系柠檬, 而系青柠, 青柠加七喜唔知点解特别觉得清爽, 好正呀!
总括黎讲食物质素几好, 环境干净舒服而服务态度又好, 价钱相宜兼且冇加一, 埋单百二蚊, 绝对抵食! 不过系d坐位唔算好坐, 冇计地方细少少, 唯有将就下啦! 而喇沙又真系唔系好多地方有得食, 所以师傅觉得就算专程黎呢度捧场, 都觉得物有所值, 下次一定会再黎!
张贴