圓仔記

营业中

休息中

作为一个奇怪嘅人，我系劲憎食芋头，但系好钟意食芋圆嘅人。一直以嚟我都唔钟意食芋泥，因为觉得劲重芋头味。但系打破呢一个「魔咒」嘅，就真系剩系得圆仔记嘅包心芋圆。初时见到大家推荐，我都系谂住试一试无妨嘅心态去买。作为外卖店嚟讲，佢嘅价钱唔算得好平。见到佢嘅包心芋泥个个都赞好，咁我就谂住试一试啦。点知一试就真系爱上了，如果你问我个特别之处系乜嘢，我会讲话佢嘅芋泥真系好重奶味，好香。我觉得佢𠮶种奶嘅香味重过芋头味太多，唔知系咪加咗奶嘅缘故，食落口嘅时候口感十分之滑溜，滑捋捋劲舒服。趁冻食嘅话真系超正，食完之后真系忘记唔到，我都冇试过喺第二间舖头食过令到我咁钟意咁上瘾嘅芋泥，不过我谂好钟意食芋头嘅朋友就会有啲失望。