616牛肉火鍋專門店 (錦榮街) (已結業)

📍616牛肉火锅专门店突然好想食牛肉火锅，发现原来新蒲岗有616，主打新鲜牛肉同超多唔同牛肉部位，即刻去试吓先。我哋叫咗鸳鸯锅，拣咗麻辣同沙嗲。我平时都唔食沙嗲，但佢嘅沙嗲汤底真系令我好惊艳，超级浓郁惹味，直头令我爱上沙嗲，系每隔一段日子都会心思思好想再食嘅上瘾程度😛💗配埋蜂巢豆腐，索晒啲汤汁真系超满足。不过麻辣汤底就麻麻哋，冇乜味，唔够香又唔够辣，有啲失望。牛肉方面，我哋最钟意就系吊龙，配埋蛋黄搅匀超滑溜又有肉味口感非常好。另外佢嘅和牛都非常抵食，只系$5-60就有一份。而且佢哋仲推出咗印花咭，一个印仔有七折、两个印仔有六折、三个印仔直头全单半价，超级抵！！原本见到OpenRice有食评话服务态度唔好都有少少却步，但系我去咗两次服务都好好。不过晚市去𠮶次嘢食上枱速度有啲慢，可以改善一下。