616牛肉火鍋專門店 (錦榮街) (已結業)

📍616牛肉火鍋專門店突然好想食牛肉火鍋，發現原來新蒲崗有616，主打新鮮牛肉同超多唔同牛肉部位，即刻去試吓先。我哋叫咗鴛鴦鍋，揀咗麻辣同沙嗲。我平時都唔食沙嗲，但佢嘅沙嗲湯底真係令我好驚艷，超級濃郁惹味，直頭令我愛上沙嗲，係每隔一段日子都會心思思好想再食嘅上癮程度😛💗配埋蜂巢豆腐，索晒啲湯汁真係超滿足。不過麻辣湯底就麻麻哋，冇乜味，唔夠香又唔夠辣，有啲失望。牛肉方面，我哋最鍾意就係吊龍，配埋蛋黃攪勻超滑溜又有肉味口感非常好。另外佢嘅和牛都非常抵食，只係$5-60就有一份。而且佢哋仲推出咗印花咭，一個印仔有七折、兩個印仔有六折、三個印仔直頭全單半價，超級抵！！原本見到OpenRice有食評話服務態度唔好都有少少卻步，但係我去咗兩次服務都好好。不過晚市去嗰次嘢食上枱速度有啲慢，可以改善一下。

今次我拉埋啲朋友一齊去試咗間話題嘅牛肉火鍋店。咁多種牛肉，真係令人眼花撩亂，點都要有個好身段先夾得住😂。哩度啲牛肉選擇咁多，第一被俾我矜貴嘅鼓勵😍就係牛腩同埋牛展，個個話滑溜溜得嚟又多汁，真係滿足到我對牛肉嘅所有幻想！再嚟啲酥皮焗蕃薯🍠，啖啖軟綿綿，甜頭頭嘅，好似香軟嘅雲朵一樣圍繞喺個口腔四周。湯底方面，索嗖索嗖嘅酸菜湯質素有驚喜，酸香開胃，完全冇話嘢。至於嗰個牛油果醬，其實我初頭有少少驚，因為我怕滋味會太突出，不過點知呢個配搭竟然意外嘅合拍，令人意想不到嘅驚喜！要講至溝呢個詞都唔夠形容，每次夾一啖肉落湯舀上嚟，嗰份味道嘅回甘真係令人回味無窮。麻辣牛肉餃又辣又香，入味到爆炸，啖啖肉餡，仲要皮Q彈，我哋嘅脆脆米糕亦都係焦香撈飯，好過癮。總括嚟講，這家摩登又唔失傳統味道嘅火鍋店，絕對係大街小巷中嘅一顆明珠，愛食牛肉嘅你千祈唔好錯過喇！🍲🥩🌶️

假期中午到訪 員工服務欠缺QR code下單 但網頁選項不齊整 要憑記憶詢問店員下單桌面頗為油膩骯髒牛骨湯足料 8折後價錢合理滑尾龍及醉牛出色但肥牛肉偏碎及失望此等服務無下次了

之前喺旺角食過，但而家喺新蒲崗終於有分店啦，唔使同人迫😂😂😂親民價錢就可以食到日本長野縣空運的信州和牛😉😉🤩牛骨清湯鍋湯底清而不濁，燉煮牛骨有豐富骨湯香氣，仲有蘿蔔食添㗎，😬😬😬🤩信州和牛後腿肉、信州和牛肩胛口感鮮嫩，肉質細膩😲😲肉香濃郁🫶🫶🤩安格斯-橫隔肌、牛駝峰口感獨特，肉質彈嫩☺️☺️在火鍋中涮煮後，與牛骨湯底的味道融為一體🥰🥰🥰🤩竹笙好吸湯💕💕，可以食得到牛骨湯嘅湯汁🤩水蓮菜清爽可口，解了食牛肉的肥膩感，唔錯😋😋🤩鮮製手打鳥冬和日本在香港開設的製麵所合作，專為 616牛肉火鍋專門店研發的手工裕庭風烏冬，使用日本進口麵粉等材料，烏冬幼身而有嚼勁👍👍👍🤩菊花桂圓露清甜，菊花的清香與桂圓的甜味完美結合，是火鍋後的理想解渴飲品😀

想食到性價比高嘅火鍋不妨去616單點同任食火鍋其實點都真係有出入所以有時真係寧願食貴少少😝😝❣️鴛騖冬瓜沙嗲鍋 $88五十五十🥺想食冬瓜湯底但又想食沙嗲底咁就叫個鴛騖 咩都可以食到啲🥳冬瓜蟲草湯真係可以當湯飲都得 夠曬清甜真材實料❕用左新鮮冬瓜再加入蟲草花而沙嗲底夠曬濃郁 花生味又夠重🥜❣️信州和牛肩胛 $78❣️信州和牛胸肉 $98616今期主打親民價就可以食到日本和牛一百蚊都唔洗就可以食到🥹所以點可以放過 點可以唔食整左兩個部位試試 一試真係返唔到轉頭😍🥰🥰🥰完全感受到入口即溶肉質勁軟糯 咬落絕不鞋口❣️安格斯-橫隔肌 $48雖然同信州和牛一定有分別 不過牛香味一樣都係咁重可以話係一個平價版之選👛❣️手打墨魚滑 $50❣️手打牛筋丸（半打）$30魚滑同牛筋丸幾時都係手打最正正墨魚滑咬落爽口 夠曬有口感🦑牛筋丸有咬口 入口同墨魚滑一樣彈牙🐮❣️雙拼牛肉餃 $50一半麻辣🌶️一半原味牛肉餡多多 鮮味多牛肉汁💦💦餃子皮就算烚完都仲保持到一定嘅彈性🥟麻辣味食落香口 後勁帶麻原味可以突顯出牛肉嘅鮮味🐂❣️鮮製手打烏冬 $18係616同日本在港開設嘅製麵所合作🇯🇵可以話係佢地研發嘅手工稱庭烏冬比讚岐烏冬更幼細👀

再戰616，上次食唔哂今次再戰刁鑽牛肉部份😆記得食佢秘製牛肉汁，好鮮味！牛骨湯 $62試過沙嗲湯都係牛骨湯比較清，可以食到真正嘅牛味😍而且有啲蘿蔔係度下火！個湯清清地，但係有啲藥材味㗎都！信州和牛牛胸肉 $98雖然佢係比較貴，但係來自日本好好食，尤其係鐘意食肥啲嘅人！佢肥肉比例多，但咬落去無話好油，反而係爽口😆牛駝峰 $48 上次食過好好食🤤肥瘦均勻，而且跟住教學淥就啱啱好8成熟，好juicy!肩胛冀板 $48好抵!!里個都係下次會encore!佢雪花靚，而且牛味唔算好重，好食‼️牛朴肉 $48原來佢位於頸附近係好罕有，全隻牛得1%!!咁嘅價錢食到🤤口感一流！佢都多脂肪，但係食落一啲都唔油👍🏼加拿大牛側胸肉 $58又係另一個肥肥之選🤣佢相對比較有咬口，不過同樣有脂肪令佢好易入口！油麥菜 $28一開頭就食，新鮮放得都幾滿㗎！中規中矩正正常常！

#新蒲崗美食一試再試嘅 @616hotpothk 🍲🐮相信應該唔少 #香港人 都食過 #616火鍋 我都食咗至少三次呀😍每次必嗌 #沙嗲 湯底🥸佢出名有不同牛肉嘅特別部位 今次重有 #日本 #長野縣 直接運到#香港 嘅 #信州 #和牛🐃平時啲和牛都幾百蚊 呢到最貴一碟$98炸🫨🫨616團隊做到嘢呀👍不過好似淨係堂食先有我哋嗌咗信州和牛肩胛🤷🏻‍♂️入口充滿油脂 唯一唔使點醬重好味嘅牛肉🫰🏻信州和牛腹肉🫄相對油花冇牛肩胛咁多 適合怕肥人士🫸🏻信州和牛赤身🥩呢個幾唔錯！牛味夠濃又唔韌🫰🏻滑尾龍🐉不愧係每次都會嗌嘅牛 加埋個蛋 好滑呀😭橫隔肌💪🏻好濃牛味又肉質結實 絕對對得住每一隻牛🦬自製埋 #沙嗲牛肉麵 同 #炸魚皮 真係好開心好幸福呀😭😭(最後一張佢個logo好似 #哈爾移動城堡 嘅 #卡西火 好得意）📍 616牛肉火鍋專門店新蒲崗錦榮街6-24號金橋大廈地下#hkig #ig #hk #香港美食 #打邊爐 #邊爐 #火鍋 #牛 #牛肉 #黃店 #新蒲崗 #美食

肥華唔貪心，亦無咁多錢，所以祇要求兩位，住在偏遠地方嘅，大細仔仔，能每月抽空陪肥華和靚媽，食一兩餐，齊齊正正嘅晚飯，就已是呢兩位年過花甲父母，最開心嘅時刻，7月15日消費券派發前夕，揾食肥華一家大細，合共五人到此店打邊爐，而呢間主力食牛肉火鍋店，所提供嘅各類牛肉部位食品，圽令三大牛魔王，齊齊讚好，不斷安哥，開懷大嚼，加上靚媽及細仔仔女友，乜不是省油的食客，令到今晚呢餐如食放題，個個都飲飽食醉，抱住個肚離場😋👍😋👍😋👍

十分差    專登係第二區過黎食 點知食左兩碟野。再加單後 第二次加單黎啲嘢全部無黎 漏單唔出聲 話電腦出錯 又唔check單  話廚房鎖左。最尾咩都無 叫左兩支酒 無野食 櫃台仲話只能俾個外賣盒我叫打包個湯底仲話唔會質疑你食幾多野都唔問。十分差。以後都唔會黎呢間分店。感覺好差希望愈大失望越大。

屋企附近開咗間「616牛肉火鍋專門店」都有一段時間，一直聽聞佢哋出名係可以食到唔同部份嘅牛，堂食仲可以品嚐到日本長野縣直送嘅信州和牛，特設和牛盛可同時試哂牛肩胛、牛腹肉及牛赤身，今日就帶同牛魔王爸爸過嚟品嚐一下小館裝修風格具本土特色，座位闊落空間感不錯==========🔹鴛鴦牛骨酸菜鍋 $82酸菜鍋酸辣比例平衡，惹味開胃牛骨鍋清甜，牛骨緊實牛香重，蘿蔔鮮嫩==========🔹信州和牛肩胛 $78軟嫩有彈性，牛味濃郁🔹信州和牛赤身 $78牛味甘香突出，油脂豐腴✨長州縣盛產蘋果，信州牛為以蘋果飼養的牛，吸收了蘋果所含的維他命與糖分，營養價值更高，肉質也特別肥美鮮甜且柔軟==========🔹吊龍伴 $68肉質嫩滑彈牙，牛香不錯==========🔹匙柄 $48質感軟滑緊緻，牛香豐富==========🔹手打蝦滑 $50份量充足，蝦滑彈牙帶淡淡蝦味==========🔹油趣魚皮 $38爽彈富骨膠原，調味恰當，香辣醒胃==========🔹唐生菜 $28翠綠鮮嫩==========醬料費每位$10，午市免加一服務費整體用餐體驗不錯，食材新鮮有質素，食得我跟爸爸都滿足！

要揀一間專門食牛既打邊爐，第一下諗到既都相信係616火鍋專門店，今晚去左新蒲崗呢間分店認真唔錯，首先值得一提係呢間分店個環境真係幾好，新淨又乾淨又夠光猛，最靚最吸引到我既係餐廳果兩幅璧畫，係兩幅好令人懷念既九龍城風景，畫得好靚令我好掛住仲有飛機飛過既九龍城日子。今次揀左牛雜湯底，牛雜個份量真係超多，真係食到尾都未食完，湯底又夠味，淨係呢個湯底都超值。黎得616梗係要狂叫唔同種類既牛，有加埋蛋一齊食既勁滑滑尾龍，肉味又濃又滑。花雕醉牛有驚喜，淥完都仲有陣花雕味，好香好好味。肩胛翼板牛味勁重，同安格斯橫隔肌差唔多。牛朴肉同埋重點要試既信州和牛肩胛就偏向油脂味重入口即溶。麻辣牛肉餃就辣辣地勁惹味，最後加埋個鮮製手打烏冬，估唔到個烏冬都好滑好正，616整體上實在高質。

好多特別嘅部位，聽到未聽過嘅部位都有得食😆原來已經開咗好多分店啦，今晚就係新蒲崗見到有得食啦😚👍🏼係掃QRcode落單，見到平均一碟牛都係$60左右啦，有平有貴嘅，都可接受咼！餐廳今期推親民價錢食到日本長野縣直接運到香港嘅信州和牛，價錢都係$48-$100內😝試試試！！溶岩沙嗲湯底 $82朋友介紹里個湯底配牛簡直係一流，食咗好耐湯底無變淡👍🏼好杰好正！信州和牛肩胛 $78好靚喎！而且明顯地係雪花都多，不過牛味唔算強！滑尾龍 $48好多人推！🤣好啱打卡，有個蛋係牛肉上面，再淥完之後勁滑，加我哋里個湯好似食緊高級嘅沙爹牛，好想食公仔麵🤣五花趾 $68印象中佢相對比較有陣草味，唔強牛味，而且偏瘦，所以我食咗唔多🤣匙柄 $48唔算好juicy!不過性價比高！牛駝峰 $48里個好抵食！有啲肥，所以好肥美啊！仲要牛味相對重🫶🏻😝鮮製手打烏冬 $18勁吸引呀！不過要煮耐啲，我哋太心急，結果太硬🤣煮多陣就啱啱好！配里個湯底啱哂🫶🏻

-🍴🍽🍴🍽🍴🍽🍲🍲🍲🍲🍲🍴🍽🍴🍽🍴🍽🥢牛骨清湯 $62 🆗揀咗款相對冇咁油膩嘅牛骨清湯。牛骨湯熬製咗八個鐘頭以上，清清地更加能突顯牛肉嘅美味。牛骨超大件，仲有好多蘿蔔做配料，非常入味😋。🥢信州和牛肩胛 $78 🆙信州和牛主要以蘋果蓉作為飼料，所以信州和牛吸收咗好多蘋果嘅維他素同礦物質，營養價值特別高。牛肩胛相對其他部位冇咁肥膩，牛味濃郁，肉質柔軟，仲有少少蘋果嘅香氣🫢。🥢手打牛筋丸(半打) $28 🆙牛筋丸好彈牙，牛味亦相當濃郁，不過要小心啲肉汁會爆出嚟，我就太心急俾啲肉汁辣到條脷😂😂。🥢手打蝦滑 $48 🆗手打蝦滑蝦味未算好突出，但係非常彈牙有咬口，而且上面仲有粒粒蟹子🤣。 🥢唐生菜 $28 🆙唐山菜好新鮮好翠綠，份量亦唔少，用唐生菜包住啲牛肉可以減少肥膩感😋。🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7.5/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7.5/10服務 𝗦𝗲𝗿𝘃𝗶𝗰𝗲 7.5/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7.5/10整體 𝗢𝘃𝗲𝗿𝗮𝗹𝗹 7.5/10-🍴🍽🍴🍽🍴🍽🍲🍲🍲🍲🍲🍴🍽🍴🍽🍴🍽-🗺 616牛肉火鍋專門店 (錦榮街) (新蒲崗)新蒲崗錦榮街6-24號金橋大

5月26日佛誕假期，中午在慈雲山食咗劣食，攪到揾食肥華和靚媽，都心情欠佳，有見及此，細仔仔自動獻身，提出今晚佢請食火鍋，並到呢間以多類，牛肉做主打嘅火鍋店，烚吓烚吓，此店有牛隻多款部位牛肉供顧客選擇，而價錢每碟，大多都係四五拾蚊左右，雖然份量有限，但顧客可以在一次，打邊爐過程，食到多款唔同質感及味道嘅牛肉，真係啱晒肥華呢種牛魔王，加上此店個牛骨清湯底，非常出色用喺淥牛肉及其他火鍋料，都非常配合，食到餐咁滿意並由，細仔仔埋單嘅牛肉火鍋晚餐，肥華靚媽，當堂心情靚番哂😁😁👍👍👍

超高質牛肉火鍋 ｜616牛肉火鍋專門店 @616hotpothk616靚牛肉真心好食，我成日都去😋 今次近近哋嚟新蒲崗分店同朋友chill一chill，仲飲埋啤酒🍻今次都係叫咗信州和牛系列，因為真心好吃又高質。另外，我都好欣賞同推薦616嘅滑尾龍，每次去都必點！🍽人均：＄250 - $300 （視乎肉類選擇，另有加一服務費）🕰時間：19:00 (可walk in)鮮牛油麻辣湯 $78呢度湯底好多選擇，今次揀咗鮮牛油麻辣湯，麻辣湯底越滾越辣，好正！火鍋醬料 $20/位店内有個自助醬料bar，好多嘢揀。扇貝（2隻） $48好大隻，又新鮮，正滑尾龍 $48滑尾龍配生蛋，太有驚喜，牛肉又滑又有咬口心竹笙 $48竹笙大大件，好抵食Bible rating: 8/10甲地址：616牛肉火鍋專門店(錦榮街)新蒲崗錦榮街6-24號金橋大廈地下