雲家小鍋米線 (328廣場)

营业中

休息中

住喺葵涌区咁多年，荃湾云家成为止米线瘾既店都仲会推荐身边既朋友黎食点解丫？系因为呢到有个小食非常吸引！！就系 凉拌墨鱼头🦑 $47本人系非常之钟意蒜味，而且爽口既墨鱼更加心心眼，好少地方可以食到墨鱼头，大量既蒜香令你不断一旧接一旧咁食，另外配上酸汁更加带出墨鱼头既鲜味！呢个小食差唔多每一枱都必点，而且有阵时会卖哂，卖哂个刻真系好灰，因为下次唔知几时先会经过再食到，有机会黎食呢间米线一定一定要点呢个小食。而米线就点 酸辣中辣猪肠米线 $43云家既配料好似食极都有，仲有米线份量一啲都唔会少，眼见都有好多男食客帮衬，证明系绝对够饱，本人系对于猪肠配米线系一个绝配，所以今次都系点猪肠，系非常易咬口好淋。如果黎云家食最好拣平日，逢星期二休息，星期六日一定系需要排队架，虽然店面细，但出菜时间都非常配合。