好湯好麵 (名店坊)

营业中

休息中

平时出街都会选择食面，因为份量适中唔会过多，食落又唔会有罪恶感，夜晚食比较轻盈。星期日到铜锣湾行街，买完一轮衫换季，身心疲累，经过好汤好面既店见到麻雀虽小，入面客人满满。听朋友讲大围好汤好面 再上榜《香港澳门米芝莲指南 2022》，而家系铜锣湾再开分店实在太好了。平时出街都好少入大围咁远，而家不用特别排队就可以入去食。我就点左海龙皇汤面。卖相已经好有食欲，望落个汤好浓味，加上有海虾、带子、蚝同蟹肉等，十分足料。饮落个汤浓郁鲜甜，唔会油腻又唔会过咸，连埋个上海面全碗清哂，饮后无感觉到落左味精既口渴。佢地拣上海面做面底好夹个汤，唔会滞之余又唔会抢左个味，下次一定会回头再试其他汤底！