一盅點心

营业中

休息中

为咗呢个世一烧卖拼盘而嚟，平时去饮茶食点心都一定会叫烧卖，钟意食烧卖嘅非常推荐你来😉仲可以参加世一挑战赛游戏，指定时间答啱拼盘内六款烧卖名就可以半价食到。小店地方唔算大，但座位几舒服，服务的姐姐都好热情有效率，落单后上菜又唔会等好耐，点心都是热辣辣👍🏻🔶世一烧卖拼盘作为「烧卖控」的我超钟意呢个拼盘，一次过可以食到12 款不同口味，由传统口味至多款创新口味，甚至有辣味嘅，真系每一款都好有特色。我自己最钟意系「鲍鱼烧卖」同埋「梅菜扣肉烧卖」，烧卖好足料又弹牙。🔶凤爪排骨饭呢款蒸饭真系特别有风味，排骨、凤爪调味腌料都几好味，加埋豉油捞饭好香。🔶黑金流沙包 流沙包一搣开啲饀已经流出嚟，个包好软熟，馅料亦好香滑。🔶春风得意肠 肠粉包住油炸鬼同虾肉，上面仲铺满蟹籽，好有层次，虾肉亦很爽弹，口感丰富又鲜味。🔶千岛酱脆炸萝卜糕 呢个几得意，萝卜糕用炸粉包住炸脆后，再加上千岛酱同木鱼，食落几香。🔶秘制牛柏叶 我好钟意食牛柏叶，去饮茶见到点心有都会叫，调味几香又入味，不过呢个份量比我想像中少，如果可以多啲就好。